Tani që cilido që ka kohë të bollshme për kafe dhe ka akses në facebook për të folur edhe kur nuk ka asgjë për të thënë, mund të kemi 1000 lexime të Kushtetutës, secili sipas qejfit të tij. Por Kushtetuta është një dhe çdo njeri që merret me ligjin e di se në raste të tilla praktikat kushtetuese janë të qarta edhe në shqip.
Thelbi i gurit të fundit të hedhur në lumë: nuk është Kushtetuta problemi dhe as burimi i ndonjë konflikti, – problemi janë mënyra sesi politikanët e përdorin dhe keqpërdorin Kushtetutën dhe pushtetin, sesi shpikin eksperimente dhe sesi e trajtojnë pa respekt politikën dhe vendimmarrjen.
“Zgjidhja“ e fundit është artificiale nga dy palët në konflikt, është e sforcuar dhe mund të jetë jo funksionale në aspektin afatgjatë apo seriozitetin e qeverisjes, – por është Kushtetuese. Instituti i Studimeve Politike ju ofron të dhënat e rasteve të zv/kryeministrave që kanë qenë njëherësh edhe ministra, me bazën kushtetuese të vitit 1998.