Përveç mashtrimeve të bëra nga kryetari i PD-së, Lulzim Basha, lidhur me fshehjen e të vërtetës së shkollimit, mashtrime të cilat CNA.al i ka publikuar në disa shkrime me rradhë, tre gënjeshtra të tjera janë zbulimi më i fundit. Këtë herë është pamfleti.net, i cili i ka rreshtuar ato brenda një shkrimi të publikuar ditën e sotme.
Sipas tij, gënjeshtra e parë është mosthënia e të vërtetës nga Basha lidhur me kontributin e dhënë në PD. Në të dhënat zyrtare të publikuara në “CV” e tij, rezulton se Lulzim Basha, në zgjedhjet e 22 Marsit 1992 ka qenë vëzhgues i PD në KQZ dhe në qendrat e votimit, mirëpo në atë muaj e vit, ai ishte ende gjimnazit 17 vjeçar, i lindur më 12 Qershor 1974, dhe sipas ligjit zgjedhor duhet të ishte 18 vjeç, siç është edhe sot ligji në fuqi, shkruan pamfleti.
Gënjeshtra e dytë lidhet me deklarimin e bërë prej Bashës në “CV”, ku shkruan se është bërë pjesë aktive dhe zyrtare e PD, në muajin Janar 2004, si drejtues i Kordinatorëve të “COP”, mirëpo “COP” është krijuar në Mars 2005 dhe gënjeshtra trashet me shumë, kur tre rreshta më poshtë kësaj “CV”-je, Luli deklaron, se nga muaji Nëntor 2002, deri në muajin Janar 2005, ka qenë zyrtar aktiv me kohë të plotë, i UNMIK në Kosovë.
Dhe gënjeshtra e tretë, publikon pamfleti, është deklarimi i bërë nga Lulzim Basha në “CV”, ku thotë se është zgjedhur anëtar Kryesie i PD, në muajin Maj 2004, ndërkohë që në atë vit, nuk ka pasur as kooptime në Kryesi e as zgjedhje në parti, dhe Lulzim Basha nuk figuron në përbërjen e Kryesisë së PD, por është zgjedhur me propozim të Sali Berishës dhe kundërshtim të Jozefina Topallit, në Kongresin e 8-të të PD, zhvilluar më 23-24 Prill 2005.