“Kërcen prifti nga belaja, kërcen se e po gjen hataja”.
Si në çdo ditë edhe në fundvit neveria më e madhe e shqiptarëve janë politikanët. Nën maskën e tyre mafioze ato iu afrohen fëmijëve dhe familjeve të varfëra. Ata bëhen më të dashur, bëjnë sikur janë pranë tyre dhe janë po si ato. Një iluzion i rremë, qëllimi është pak nga të gjitha: pak PR, një gjetje që duhet për fundvit, dhe pak kush mund ta mendojë se Ilir Meta vërtet e ndjen të dhurojë.
Ai ka qene sot pranë fëmijëve pa kujdes prindëror të Fshatit SOS, në Tiranë për të cilët ka shtruar edhe një drekë. Një drekë njëherë në vit, ndërkohë që faturat e tyre dhe të fëmijëve të tyre janë jo të kripura, por zeher.
Meta duket i qeshur, jashtë kostumit të presidentit, duke kënduar e kërcyer së bashku me ta i shoqëruar nga dy fëmijet e tij Era dhe Besar dhe nga aktori Bes Kallaku, i cili është bërë një nga artisët e besuar të familjes “mafioze” Meta, me të cilët sigurisht ndan edhe interesa, për të cilat jo pak është përfolur dhe demaskuar.
Kështu me qetësi dhe dashuri, po e mbyll dhe këtë fundvit “valltari i politikës”.