Pasi pa sot mbledhjen e Komisionit të jashtëm në Presidencë, Grigja i ka kërkuar Kunatit, të bëj dhe ajo pjesë tek grupi negociator për paktin detar me Greqinë.
Në letrën e saj motivuese Grigja shkruan:
“Unë jam e motivuar të jem në këtë grup negociator falë aftësive të mija të spikatura dhe sensin e orientimit që kam në negociata të tilla me partnerët. Qysh në moshën 24 vjeç kam nisur biznesin nga zero, duke përdorur vetëm aftësitë e mija. Kam arritur të siguroj partneritet me ndërtues të guximshëm dhe kemi investuar aty miliona euro.
Por kryeaftësia ime në këtë pikë ngelet fakti që në finale, grekët do dalin të humbur.
Sido që të përfundojnë negociatat, unë u siguroj se kam aftësinë t’ua shes detin dy herë grekëve. Sado lirë ta marrin ata, po e shitëm dy herë dalim me fitim.
Për këtë kam prova. Në dy raste u kam shitur apartamente nga dy herë, jo njerëzve injorantë, por mjekut personal të Enver Hoxhës dhe një përmbaruesi të njohur.
Kur unë kam arritur t’ju shes dy herë apartamentet njerëzëve kaq të njohur dhe me kaq influencë në Shqipëri, të jesh i sigurt që grekët i hutoj fare. Dhe nuk kanë çfarë të më bëjnë.
Ja mbaj mend që ai Doktori i Enver Hoxhës shkoi u ankua tek Doktori në PD. Doktori u tregua korrekt.
-Nuk kam çfarë të bëj i tha. Nuk e kam sjellë unë në PD e ka sjell Luli. Po qe se ke probleme me ndonjë grua që kam sjell unë më thuaj. Dhe ai nuk kishte çfarë të bënte.
Dhe ai noteri që më hodhi në gjyq, thjeshtë më mbajti rrogën nga Ministria e Integrimit, s’më bëri dot gjë.
Në këtë rast futja ime në grupin negociator do të ketë shumë peshë. Unë do përdor hiret e mija të hutoj grekët dhe është e sigurt se së paku dy herë ua shes detin. E bëj këtë gjë, pasi dua ta përdor talentin tim në të mirë të Shqipërisë jo vetëm për të mira personale.
E juaj Grigja”!