Gjatë mbrëmjes së djeshme në emisionin ‘A Show’, Adi Krasta zbuloi se ishte Sali Berisha, ai që e kishte ndihmuar të niste punë si gazetar në radio.
Krasta: Gazetarët kanë edhe lidhje njerëzore me njerëzit e pushtetit.
Unë kam pasur një fat të jashtëzakonshëm individual, pasi ju keni bërë një ndërhyrje personale që unë deri vonë s’e kam konceptuar se si ju më keni ndihmuar që të nis punë në radio.
Ndërkohë, neve, se si na ndodhën ca gjëra që ndikuan dhe tek unë dhe tek ju.
Ju jeni penduar ndonjëherë që më keni ndihmuar mua të bëhem gazetar?
Berisha: Kurrë.
Krasta: Më keni marrë ndonjëherë inat?
Berisha: Jo, kurrë. Unë nuk jam…. i sigurt të jesh, unë jam një njeri i pasionit, por kurrë viktimë e hakmarrjes, e urrejtes. Përkundrazi. Nëse do kesh urrejtjen, të gllabërojnë pasionin.
Nuk jam bërë kurrë ndonjëherë pishman, nëse kam pasur mundësi të ndihmoj një njeri.
Unë kam një koncept të gjerë për lirinë. Liria është zgjedhje dhe e harrojmë këtë. Sa herë ta harrojmë këtë, aq herë gabojmë. Nëse e rikujtojmë këtë, mbetemi brenda civilitetit në raport me lirinë.
Disa vite më vonë, Adi Krasta u rrah keqazi dhe madje doli të prezantonte me syrin e nxirrë.
Rrahje që nuk është sqaruar kurrë.
Dikush tha se e kishin rrahur se kishte ngacmuar një vajzë, disa të tjerë se e rrahën “tropojanët e Berishës”.
Vetë Krasta nuk ka folur asnjëherë për këtë ngjarje.