Këngëtarja Jonida Maliqi fitoi mbrëmjen e së shtunës çmimin e parë në festivalin e 57-të të Këngës në Radio Televizionin Shqiptar.
Jonida triumfoi me këngën “Ktheju Tokës”, ku do të përfaqësojë Shqipërinë në Eurovizion, i cili këtë herë zhvillohet në Izrael.
Por kënga e saj duket se nuk është pëlqyer nga publiku, madje në rrjetet sociale, kanë vërshuar një sërë kritikash.
Njëra prej tyre është edhe Brizida Gjikondi, e njohur në radhët e politikës, e cila propozon veting në RTSH.
“Edhe pse i ka dalë boja si fjalë, unë mendoj që i duhet bërë ‘vetingu’ edhe Festivalit nq RTSH. Çmimi i parë ishte një skandal. Këngë më të bukura dhe domethënëse për mua ishin 100 pyetje, Lejla. Me jetë, Karma, Peng, Më e fortë”, shkruan Gjikondi.
“Elton Deda duhet të largohet nga RTSH, përsëriti prapë skandalin si me Eneida Tarifën në Eurovision, janë mikeshat e Elton Dedës që nuk e meritojnë për në Eurovision. Jonida plak, 11 vjet që nuk ka marrë pjesë në festivalet e RTSH, sivjet e thirri Elton Deda për në Eruvision, kjo ‘këngëtare’ nuk ka për tu futur në natën e dytë në Eruvision është Skandal! Skandal! Vërtetë turp!”, vijon një tjetër koment në rrjetet sociale.
Një tjetër komentues thotë, “Ishte një recitim i bukur”.
“Asnjë fjalë e shqiptuar mirë… nuk i kuptohet… sa keq… sa turp… kjo këngë nuk përcjell asnjë emocion… Kjo këngë as nuk e ka merituar… si gjithmonë që në vendin tonë nuk fiton meritokracia…”, shkruan një tjetër.