Gazetari i kronikës, Artan Hoxha me anë të një statusi në Facebook ka replikuar sërish në distancë me ish-kryeministrin Sali Berisha.
Ndërsa përplasjet dhe akuzat si “vrasës” e “hjekës” janë ende të freskëta mes të dyve, gazetari thotë se ka zgjedhur të flasë për shkakun e vetëm se shefi të cilit Berisha i publikoi emrin, Adrian Licaj si i arrestuar në Itali për trafikun e 5 ton marijuana, ndodhet në stadiumin e Vlorës në këto momente.
“Dora vet Adrian Licaj, efektiv i komisariatit te Vlores, ne krye te detyres duke siguruar ndeshjen e radhes te superliges shqiptare”,- shkruan gazetari teksa poston edhe foton e tij.
Pak më parë ish-kryeministri Berisha, në një reagim në rrjetin social “Facebook” tha se është arrestuar ish-shefi i antidrogës në Vlorë, i cili aktualisht mban postin e komandantit të patrullës në Vlorë.
“Të paktën deri në këtë moment nuk e paskan arrestuar në Itali se qënka në detyrë, për më tutje nuk e vë dorën në zjarr, c’sjell ora nuk sjell moti…”, ironizon Hoxha më tej.
Sipas Berishës, Liçaj ka qene badiguard i Zani Çaushit në vitin 1997, është emëruar në 2014-ën në pozicionin e lartë nga ish-ministri i Brendshëm, Saimir Trafiku.
Por sipas verifikimeve të bëra nga gazetari i “BalkanWeb” në Vlorë, personi të cilit i referohet Berisha nuk është i njëjti me atë të arrestuar sot në Itali, pavarësisht se kanë të njëjtin emër.
Adrian Liçaj, 49 vjeç është aktualisht komandant i patrullave të Policisë së Vlorës, ndërsa Adrian Liçaj, i arrestuar sot në operacionin e policisë italiane është 51 vjeç. Madje për të njëjtën çështje 4 vite më parë, zyrtari i policisë Vlorë çoi në gjyq Partinë Demokratike, pas akuzave ndaj tij.
STATUSI I ARTAN HOXHES
Rrena e radhes me “arrestimin” ne Itali te Shefit te antidroges te Vlores
Ne rrjet po lexoj se gjate nje operacioni te madh antidroge tè antimafias Italiane jane arrestuar 25 trafikante italiane dhe shqiptare. Shefi i opozites tha se mes te arrestuareve ka dhe drejtues te larte te policise.(Hajer inshallah)
Ndersa portale qe furnizohen me informacione te klasifikuara qe nga pertej detit thone me emer e mbiemer, madje dhe me foto se eshte arrestuar, dora vet shefi i antidroges i Vlores, Adrian Licaj.(Cfare nuk ben vaki)
Per ata qe e dine se jam tifoz sporti, ndersa jam ne pritje te ndeshjes Flamurtari-Luftetari ne stadiumin e Vlores, me del perpara ky polici, qe i thone hem narkotrafikant i madh, hem shef i antidroges i arrestuar ne Itali.
Dora vet Adrian Licaj, efektiv i komisariatit te Vlores, ne krye te detyres duke siguruar ndeshjen e radhes te superliges shqiptare.
Qe te mos keqkuptohemi, njoftojini ata lart se ky shefi antidroges qe eshte “arrestuar” nga antimafia italiane, eshte police trupe sherbimi
ne keto momente, ora 16:09, data 1 mars 2018, ne stadiumin “Flamurtari” te Vlores…
Te pakten deri ne kete moment nuk e paskan arrestuar ne Itali se qenka ne detyre, per me tutje nuk e ve doren ne zjarr, c’sjell ora nuk sjell moti…
Sa per saktesim me poshte ne foto Adrian Licaj ne stadiumin e Vlores/BalkanWeb)