Thirrje kërcënuesve!
Nga Yll Dylgjeri
Lexova sot në media se është kërcënuar gazetari Ylli Rakipi. Sigurisht e konsideroj krim dhe e dënoj aktin, por njëherësh i bëj me dije kërcënuesve, që të bëjnë kujdes, e të mos ngatërojnë shenjestrën me mua, Ylli Dylgjerin… sepse veç të tjerash jam edhe komshi në lagje me Ylli Rakipin.
Pra, tjetër Ylli Rakipi, e tjetër Ylli Dylgjeri.
Edhe Unë shkruaj dhe e kruaj, po jo aq sa për
tu kërcënuar me jetë!
Ylli Rakipi është gazetar i vjetër e Unë gazetar
i ri. Ylli Rakipi është Kryetar i Gazetareve Profesionist Nr. X, e Unë Ylli Dylgjeri jam
vetëm antar i Shoqatës se Gazetarëve Nr. Y.
Ylli Rakipi është i pavarur i djathtë, e Unë Ylli Dylgjeri i pavarur i majtë. Ylli Rakipi është i
Pa Ekspozuar, Ylli Dylgjeri është I Ekspozuar.
Ylli Rakipi është me syze, Ylli Dylgjeri i bën
sytë katër!
Ylli Rakipi është Qeradhënës,
Ylli Dylgjeri është qeramarës.
Ylli Rakipin e takon Presidenti i Republikes,
Ylli Dylgjerin e takon Presidenti i Aeronautikës.
Kaq sa për kujdes, se na duhet nje hero!