E pabesueshme, por Berisha tashmë e tregon në çdo vend se ka probleme me kujtesën dhe vuan nga skleroza, kur gjëmat dhe bëmat e tij i tregon si arritje dhe merita.
Duke qenë se ky vend ka mungesë të theksuar politikanësh intelektual dhe me integritet, studiot qesharake partiake thërrasin në emisione doktor Berishën, tashmë të kthyer në dixhital Berisha, doktorresh Moniken, doktor Liken dhe dhjetra doktorra, që i kanë marrë diplomat dhe doktoraturat në kioskat Berishiane universitare.
Sot Eni kishte në emision plakun Berisha, i cili pranoi publikisht se ishte ai që i nxiste studentët, që të mos negocionin dhe tregoi përralla vërtetë të pa dëgjuara:
“Jo tani, por edhe në vitin 1992, kur rezerva e shtetit ishte gjithë e gjithë 4 milionë dollarë, çdo student ekselent dhe që vinte nga familjet në nevojë, ka marrë bursë. Gjatë gjithë periudhës që unë kam qenë president apo kryeministër, kemi dhënë qindra dhe mijëra bursa, nga të cilat përfitonin minimumi 15-20 % e studentëve”, deklaroi Berisha.
Berisha e quajti “takim me Judën” një takim të mundshëm të studentëve me Ramën, ndërsa iu përgjigj edhe pyetjes së çfarë do të bënte ai në një situatë të tillë.
“Unë kam pasur Ladsonin këshilltar të arsimit dhe këtë ligj që miratoi Rama, e hodha në kosh prej kohësh, pasi e pashë që luftonte hapur të varfrit, duke i privuar nga e drejta për arsimim dhe favorizonte shtresën e lartë të shoqërisë. Në qeverisjen time, të jeni të sigurt që kjo situatë nuk do të krijohej kurrë.
Madje unë i nxit studentët për rezistencën, pasi një takim i mundshëm me Ramën në këtë kohë, është si një ‘takim me Judën’, pasi ata janë në revolucion tashmë”, deklaroi Berisha.
Sali Berisha theksoi se pikërisht ky ligj për arsimin, ka qenë ligji që ka kundërshtuar më ashpër në karrierën e tij opozitare, kur ai vetë kurrë nuk bëri një ligj për reformën në arsim por për denigrimin e arsimit./Ekskluzive.al