Këngëtarja e famshme kolumbiane, Shakira, akuzohet për avazion fiskal, që kap shumën prej 13 milionë paund.
Edhe pse Shakira i ka mohuar akuzat, autoritetet që janë marrë me rastin thonë se ajo ka kaluar më shumë se 183 ditë të vitit në Spanjë dhe nuk ka paguar taksat ndaj shtetit.
Sipas ligjit spanjoll, njerëzit që kalojnë më shumë se 183 ditë të vitit në Spanjë duhet t’i paguajnë shtetit spanjoll taksë mbi të ardhurat e tyre, edhe kur i fitojnë ato jashtë shtetit.
Në akuzën e ngritur autoritetet thonë se këngëtarja ka deklaruar se jeton në Bahamas në mënyrë që të shmang taksat.
Ylli kolumbian, 41 vjeç, që ka dy fëmijë me futbollistin e Barcelonës, Gerard Pique, e kalon pjesën më të madhe të kohës së saj në Spanjë.
Avokatët e saj ndërkohë janë duke u marrë me përpilimin e mbrojtjes, kur Shakira të paraqitet së shpejti në sallën e gjyqit.
Shakira edhe pse është një këngëtare me famë Botërore, ajo është e detyruar që të paguaj taksat dhe të deklaroj fitimet në shtet, e kundërta e asaj që ndodh në Shqipëri. Asnjeri prej VIP-ave në vend nuk deklaron fitimet e sakta dhe nuk paguajnë taksat dhe askush nuk merret në hetim.
Ndërkohë shteti po shtyp biznesin e vogël dita ditës për evazion fiskal, të ‘Vip-at’ në Shqipëri, levizin paratë sipas dëshirës dha pa u shqëtësuar nga askush.