Sot ka vijuar dita e tretë e protestës së studentëve, të cilët janë mbledhur përpara Ministrisë së Arsimit për të protestuar për kërkesat e tyre në lidhje me arsimin e lartë.
Mes tyre janë bashkuar në formë mbështetje shumë figura të njohura si Arlind Qorri, Taulant Muka dhe Robert Aliaj.
Po ka dhe të tjerë që kanë reaguar nëpërmjet rrjeteve sociale, siç është rasti më i fundit i pedagoges në universitetin ‘ Ismail Qemali’ të Vlorës. Mariglena Meminaj shprehet se është në krah të studentëve, që ata të përfitojnë të drejtën e tyre për tu arsimuar, në mënyrë të mirë. Por sipas pedagoges, ata duhet të pyesin veten se çfarë kërkojnë, nëse kërkojnë gjëra konkrete, të cilat arrihen apo ndryshim të politikave arsimore ato duhen artikuluar përmes urave që e mundesojnë plotësimin e kerkesave të tyre, në të mirë të punës, nëse kërkojnë arsim falas, Shqipëri në Europë, etj,
‘Une jam me studentet! Me ata qe duan te perfitojne te drejten e tyre per t’u arsimuar, ne menyren me te mire. Me ata qe gjykojne e na gjykojne shpeshhere me te drejte, me ata qe na falenderojne apo dhe thjesht na buzeqeshin me mirenjohje per nje mirekuptim fare te vogel qe t’i mund te kesh treguar, me ata qe ndonjehere na shohin thjesht si forme, pa pare diferencat mes nesh, ashtu si dhe ne ndonjehere i shohim si forme, pa pare njerezoren e femijenoren mes tyre. Ata kane te drejte te kerkojne me shume nga ne, ne kemi detyrimin te bejme me shume per ta.
Si pedagoge them se levizje te tilla duhet te na vetedijesojne te pareve ne pedagogeve te cilitdo universitet per delikatesen e raportit me studentin, per rendesine e ketij raporti, per peshen qe studenti ka e duhet te kete.
Por, nga ana tjeter studentet duhet te kene kujdes, qe ta perdorin entuziazmin e tyre per te arritur objektivat e TYRE. Studentet duhet te pyesin VETEN se cfare kerkojne. Nese kerkojne gjera konkrete, te cilat arrihen apo ndryshim te politikave arsimore ato duhen artikuluar permes urave qe e mundesojne plotesimin e kerkesave te tyre, ne te mire te punes. Nese kerkojne arsim falas, Shqiperi ne Europe, etj, ata duhet te vetedijesohen qe keto nuk behen brenda dites nga qeveria. Perndryshe, do ishin bere, pse jo nga qeveri te tjera?Studentet duhet te pyesin VETEN. Gjithsecili VETEN e tij e te kerkoje te flase me zerin e tij. Gjeni zerin tuaj, pyesni veten tuaj, dhe behuni mendja, behuni dora, jo masha e mendjeve te cilave nuk u interesoni ju, asesi.
Behuni MENDJA te dashur studente. Te gjithe ne qe jemi sot neser do te na zevendesoni. Ne shkolla, ne universitete, ne zyra, ne biznese. Nisni sot rrugen e veshtire po jo te pamundur qe te jesh MENDJA jo sendi, DORA, jo masha. Por mbi te gjitha, tejesh VETJA e punosh e te luftosh per VETEN’, shkruan Mariglena Meminaj.