Zëvendësministrja e Arsimit, Besa Shahini e ftuar në rubrikën “Opinion” në “News 24” deklaroi se protesta e studentëve të cilët kundërshtojnë tarifën për lëndët e mbartura, ka qenë një kërkesë e vetë universiteteve shqiptare.
Sipas saj, Vendimi i Këshillit të Ministrave që kundërshtohet sot nga studentët është publikuar në muajin maj dhe një reagim i tanishëm siç thotë ajo është pak i çuditshëm.
“Të befasuar nga protesta e studenteve. Ministrja Nikolla ka qenë gjithmonë e gatshme për të diskutuar me studentët. VKM për rritjen e tarifës ka dal që në muajin maj. Kjo VKM ka qenë kërkesë e Universiteteve. Nëse një profesor e lë në provim një student disa herë, atëherë ai duhet thënë mund të ketë një qëllim të keq”, tha ajo.
Duke e cilësuar si legjitime protestën e studentëve, konkretisht kërkesën për përmirësimin e kushteve në konvikte, Shahini shtoi faktin se studentët janë të mirëpritur në ministrit për dialog, i cili i paraprin zgjidhjes së situatës. Ajo tha se studentët po manipulohen nga partitë politike.
“Në disa vende të botës, 1 provim nuk mund të jepet më shumë se një herë. Ne ftuan një përfaqësi të studentëve, por ata nuk erdhën dhe zgjodhën për të qëndruar në rrugë. Protesta e tyre është tërësisht legjitime.
Padyshim se ata e kanë ndjerë presionin financiar, prandaj është edhe protesta. Studentët po manipulohen nga partitë politike. Tarifa për studim nuk është rritur që nga viti 2014, sot është dita kur ata dolën pas 4 vitesh. Nëse nesër ata do të jenë të gatshëm për të ardhur në ministri, ne jemi aty dhe do t’i presim”, shtoi ajo.