Divorci i ish- liderit historik të PS-së, Fatos Nano nga bashkëshortja e tij e parë Rexhina shkaktoi jo pak po shumë zhurmë mediatike.
Shumë pyetje, shumë komente, por asnjëherë nuk u mor vesh e vërteta, ose më saktë ajo që deshëm ne të dinim.
Fatos Nano ishte i lidhur që në gjimnaz me shoqen e tij të klasës, Rexhinën, dhe më vonë ata u kurorëzuan në martesë. Nga kjo martesë 20-vjeçare çifti pati dy fëmijë, djalë dhe vajzë.
Pavarësisht përkushtimit ndaj burrit të saj, martesa me një nga figurat kryesore të politikës shqiptare zgjati deri në vitin 2002, kur kryeministri do të shpallte divorcin me të.
Ndarja, sipas tij ndodhi, sepse dashuria kishte marrë fund, por jo sepse shkak për këtë ishte njohja me Xhoanën. Dasma me Xhoanën, e cila është shumë vite më e re se Fatos Nano, ishte një festë private mes rreth 100 familjarëve dhe miqve të ngushtë në ceremoninë e mbajtur në kishën ortodokse në Tiranë, nën bekimin e Janullatos.
Xhoana dhe Fatos Nano janë njohur gjatë një vizite të Xhoit në Tiranë, ndërsa jetonte në Athinë dhe ishte bashkëpronare në një biznes me linjat e udhëtarëve, që e ka vijuar me sukses edhe në ditët e sotme.
Qysh prej asaj dite, kudo ku është Nano shihet edhe Xhoana dhe mes çiftit duket se ekziston një harmoni e madhe.
Në çdo shfaqje publike krah Xhoanës, Fatos Nano duket i lumtur dhe tepër i dashuruar me bashkëshorten e tij të re.
Pavarësisht çdo skeptiku, ata kanë treguar se mes tyre është një dashuri e vërtetë dhe dashuria kur shfaqet nuk njeh asnjë pengesë, qoftë kjo edhe diferenca e moshës mes partnerëve.