Monika Kryemadhi ka nisur një lojë “shtrigash”, duke shantazhuar qeverinë. Për të disatën herë ajo deklaron në media se opozita ka përgjime që implikojnë ministra në lidhje me botën e kr.imit.
E ndërsa më herët ishte shprehur se këto përgjime do të shembin qeverinë, mbrëmë ajo deklaroi se, ndonëse opozita i ka, këto përgjime nuk do të publikohen.
Sipas saj, publikimi i tyre do ishte një nga skandalet më të mëdha, që ka kaluar ndonjëherë politika shqiptare.
“Nuk i bëjmë publike sepse nuk është detyra jonë, por e Prokurorisë. Është provë për Prokuroren e Përgjithshme. Opozita tashmë është në unison me qytetarët. Nuk kemi më kohë për të humbur.
Nuk është më çështje përgjimesh. Po të ishte për përgjimet duhet të kishte ikur që para tre vitesh. Kjo qeveri nuk duhet të ishte njohur. BE dhe SHBA mbyllën sytë dhe veshët kur u blenë votat nga paratë e dr.ogës.
Nuk publikojmë asgjë pasi është në provë Prokuroria. Përgjimet që ka opozita për qeveritarët do t’i kenë edhe ndërkombëtarët këto dokumente.
Jam e bindur që do të jetë një nga skandalet më të mëdhaja që ka kaluar ndonjëherë politika shqiptare. Nuk jam unë organizatorjan por jam në dijeni”, është shprehur ajo.
Kjo është një sfidë e hapur për ju Arta Marku. Ndaj duhet të thërrisni me urgjencë Monika Kryemadhin dhe këdo i disponon dhe ka dijeni për këto përgjime, pasi ato nuk mund të jenë një “shantazh” paktesh mes politikës.