Biblioteka Kombëtare e Shqipërisë, në vitin 1972, kishte shkruar një fletë-rrufe për Llazar Gushon (Lasgush Poradecin).
Nëpërmjet saj, biblioteka i kërkonte poetit të madh shqiptar sa më shpejt ta kthente librin që e kishte marrë për ta lexuar.
Njëkohësisht, poeti kërcënohej se ndaj tij do të merreshin edhe masa, në qoftë se nuk do të zbatonte sa më parë urdhëresën e bibliotekës.
“A e keni parasysh se përvetësimi, shkatërrimi ose dëmtimi me dashje i librit dënohet si krim në bazë të dispozitave të kodit penal?”, thuhet në fletë-rrufenë e Bibliotekës Kombëtare të Shqipërisë, që e mban datën 25 shkurt 1972.
