Shpesh sekreti qëndron te gjërat e vogla dhe kjo ndodh edhe me dijen. Pyetje në dukje fare të thjeshta janë ato që bëjnë diferencën. Në mos gjeni, kuptoni nëse jeni një shkallë më lart se masa e gjerë.
– A është Plutoni planet?
– Shikohet Muri i Madh kinez nga hapësira?
– Pse kameleonët e ndryshojnë ngjyrën?
– A mund të godasë vetëtima dy herë në të njëjtin vend?
– Çfarë ngjyre është gjaku brenda në trup?
– Mund të kenë peshkaqenët kancer?
– Sa shqisa ka njeriu?
– Sa zgjat memoria e një peshku të florinjtë?
– Maja e kujt mali është më e largëta nga qendra e tokës?
1. Dikur Plutoni konsideroj si planet për sistemin diellor, por duke qenë se është shumë më i vogël se çdo planet tjetër zyrtar, tanimë identifikohet si një planet xhuxh. Pra nëse ju pyesin herën tjetër thoni “Jo”, nuk keni të bëni me një planet të mirëfilltë.
2. Shumë njerëz mendojnë se muri i madh është objekti i vetëm i ndërtuar nga njëriu që shihet fare lehtë nga hapësira, por në fakt ky është një mit. “Kjo mund të ndodhë vetëm nëse je në një orbitë të ulët, me kushte klimaterike dhe ndriçim specifik.” sipas “Scientific American”.
3. Nëse përgjigjen e keni në majë të gjuhës dhe do thoni “Për t’u fshehur apo përshtatur me mjedisin” e keni gabim. Ndryshimi varet nga gjendja emocionale e kameleonit si dhe temperaturat.
4. Kjo është pyetja më e lehtë në fakt, thoni “Po” pa e menduar dy herë. Vetëtima godet vende të ndryshme të botës 1.5 miliardë herë në vit. Disa vende që janë më të predispozuara për t’u goditur, si psh: pemët apo ndërtesat e larta, goditen më shumë se një herë. Empire State Building në New York është goditur disa herë vetëm brenda një viti.
5. Kjo mund t’ju duket pyetja më idiote e mundshme por të shumtë janë ata që pasi shohin venat thonë: Është blu! Madje kanë një teori të tyren sipas së cilës gjaku shndërrohet i kuq vetëm kur del gjatë trupit dhe bie në kontakt me oksigjenin e shumtë. Për ata që deri më sot kanë qenë të kësaj ideje, ju themi se gjaku përmban hemoglobinë, një proteinë e kuqe flakë.
6. Shkenca thotë se po, peshkaqenët njësoj si njerëzit mund të preken nga sëmundja vdekjeprurëse. Të shumtë janë peshkaqenët që janë gjendur me tumore.
7. Duhet të kuptoni se njeriu nuk ka vetëm 5 shqisa dhe asgjë më tepër. Shumë neurologë identifikojnë 9 apo më shumë të tilla. 5 shqisat që ju dini janë ato përmbledhëset, por brenda grupit të secilës qëndrojnë nënshqisa të tjera. Për shembull te të prekurit përfshihet dhe perceptimi i nxehtësisë, dhimbjes apo presionit.
8. Një peshk i tillë nuk ka një memorie 3 sekondëshe siç thuhet lart e poshtë për të. Shkencëtarët kanë vërtetuar se në fakt memoria e peshkut zgjat disa ditë.
9. E dimë ç’do thoni, nga Everesti me shumë mundësi. Mali Everest është më i gjati nëse matjen e llogarisni nga baza në majë, por maja e tij nuk është më e largëta nga qendra e tokës. Ajo nga mali Chimborazo në Ekuador, po! Kjo për faktin se në këtë zonë sipërfaqja e tokës fryhet dhe ngrihet lart shumë më shumë.