Pas publikimit të një fotografie ku tregohej se Lulzim Basha i është drejtuar sot Milanos me destinacion final Amsterdamin, mësohet se kryetari i opozitës është në këto momente në kërkim të një lokali në veri të Italisë, ku shqiptarët festojnë 106 vjetorin e pavarësisë.
Sipas gazetës “Tema”, Basha e ka anuluar udhëtimin për Amsterdam dhe do të kthehet nesër sërish në Tiranë. Po sipas “Temës”, ai është në kërkim të një feste, për të bërë një foto të cilën do e postojë nëpër rrjete sociale si një lloj justifikimi të udhëtimit të ndërmarrë me linjën “Blue Panorama”.
Ndërkohë që eksponentë të Partisë Demokratike po protestojnë për të 26-tën ditë për projektin e “Unazës së Madhe”, Lulzim Basha duket se kishte planifikuar që 106 vjetorin e pavarësisë së vendit ta festonte në Amsterdam.