Sot ishte një ditë e tmerrshme per Jarin, sepse kishte shumë ngjarje politike njëherëh.
Ai nuk ishte mësuar të përballonte me shumë se një çështje në ditë, dhe kjo vlente dhe për kohët e arta të Presidencës, kur Doktori i thoshte “ulu e mbaj shënim”.
Sepse dhe atëherë qëllonte që ai nuk e kuptonte tamam se çfarë duhet të bënte, që të mos i fuste thikën pas shpine Partisë Demokratike.
Deklaratat e Edi Rëmës në Kosovë ia kishin prishur terezinë, ndërkohë që kazani ziente nga brenda.
I hutuar, mendoi se kjo ishte një lojë e ndyrë e kryeministrit, po ai nuk po e qëllonte dot se ku donte të dilte.
Por fati ka qenë gjithmonë me Jarin në këtë jetë dhe nuk vonoi shumë që të kishte një reagim të Tritan Shehut, që ai të qartësohej.
Pasi e lexoi 8 herë dhe me laps në dorë deklarëtën e Tritan Shehut, Jari nisi të shkruante sa më poshtë vijon:
“Të nderuar miq, Jari ju sqaron!
Sot jam bindur përfundimisht se Luli ka aftësi të rralla menaxhimi, jo vetëm për punë lekësh, por dhe për politikë.
Përpjekjeve të qeverisë së drogës dhe të krimit për ta shpërqëndruar, duke i hapur disa fronte njëherësh, ai i është përgjigjur si një strateg i rrallë politik, saqë po ia kalon edhe vetë Doktorit.
Edi Rama dështoi me turp që ta hutonte Lulin, duke i hapur disa tema në të njëjtën kohë, sepse ai arriti ta zbulonte planin ogurzi të kryeministrit dhe të merrte masat e nevojshme.
Duke treguar një aftësi të jashtëzakonshme në ndarjen e punëve dhe të njerëzve për të përballuar sulmet e qeverisë në disa drejtime.
Ai fillimisht ngarkoi Tritan Shehun që t’i përgjigjet flakë për flakë demagogjisë të Edi Ramës në Pejë, sepse është një burrë që i shkon fjala jo vetëm në Shqipëri, por edhe më gjerë.
Megjithëse ishte i lodhur nga fushata për të zgjedhur Dasho Alikon kryetar të PD në Gjirokastër, Tritani ia doli të demaskojë përpjeket e Edi Ramës për t’u dukur më patriot se Doktori.
Ndërkohë, Luli nuk e hoqi vëmendjen për asnjë çast nga çështja mbarëkombëtare e Astirit, por ia delegoi të gjitha kompetencat Flamur Nokës, i cili dihet botërisht se shquhet si për trimëri, ashtu edhe për oratori politike.
Dhe rezultati ishte mbreslënës.
Ishte një oktavë më lart sesa djali i Fahri Balliut.
Por këto ngjarje të rëndësishme nuk e bënë Lulin të harronte tradhtinë e ndyrë të Ridvan Bodes, që ka pranuar emërimin nga Edi Rama në Bankën e Shqipërisë.
Për këtë dolën vullnetarë Zeni me Qim Pekën, të cilët morën përsipër që ta bëjnë copë, por me emër tjetër, dhe që të mos dallohet që për këtë sulm është dakord edhe Doktori.
Sinqerisht, jam thellësisht i befasuar nga aftësia e Lulit për të bërë tre punë njëherësh dhe për të zgjedhur njerëzit e duhur për secilën prej tyre.
Fitorja është e sigurt.
I juaji, Jari!”