Nga Olti Rrumbullaku, pedagog i ekonomisë në UT/
A e dini se më shumë se gjysma e studentëve dhe familjeve të reja jetojnë me qira në dhoma/apartamente vilash të ndërtuara pa leje në pritje të legalizimit apo që kanë marrë legalizime?
Këto studentë apo familje të reja që do iu duhen mbi 20 vite pune për të blerë një shtëpi, për të jetuar me dinjitetin e djersës së vet në Tiranë, paguajnë qira për zaptues trojesh që me një ndërtim të tillë marrin të ardhura konstante gjithë jetën. Madje janë ata qiradhënës që sillen më keq me qiramarrësit e tyre.
Marrin qira për vite të tëra për ‘sforcon e zaptimit’ për 5 minuta të një trualli
Marrin të ardhura nga qiratë e dhjetra dhomave në vilat shumëkatëshe pa paguar koston e vërtetë të truallit dhe duke penguar zhvillimin urban të lagjeve përkatëse. Lagje të bllokuara në rrugica të ngushta, pa mjedise publike (shiko zonat rrotull Qytetit Studenti, Fushës së Aviacionit, Don Bosko, Selitë etj)
Ky është problemi më i madh i zaptimeve në Tiranë. Nuk kemi zaptime për të futur familjen në një strehë modeste, por kemi “landlords” të rinj që mbajnë biznese dhe apartamente me qira në përfitim të zaptimit
Jo keqardhje për prishjen e këtyre ndërtimeve biznesi…