Sali Berisha kërkon të tregojë se nuk është “bukëshkalë”, dhe di të vlerësojë mirësinë që i bëhet. Kështu sot “malësori tropojan” Sali Berisha i ka kthyer kusurin “malësorit skraparli” Ilir Meta, duke marrë në mbrojtje “guroret” dhe “mermeret” e Monikës dhe Ilirit. Një kusur i kthyer për mbrojtjen që Meta i bëri Berishës, në marrëveshjen e “detit”. Ku për të mbuluar shitjen që ish kryeministri bëri në favor të Greqisë, Meta ka bllokuar hapjen e negociatave për arritjen e marrëveshjes së re mes qeverisë greke të Tsipras dhe asaj shqiptare të Ramës. Pasi refuzoi dhënien e autorizimit të kërkuar nga Ministri i Jashtëm Bushati, me argumente të paqëndrueshme dhe aspak ligjore. Dhe këtë Meta e bëri thjeshtë dhe vetëm për të mbrojtur aleatin e tij, “dobësinë” e tij Sali Berisha. Pasi gjithsesi çdo lloj marrëveshjeje që do të nënshkruhet nga cilado qeveri, përjashtuar Berishën, do të ishte shumë e shumë më e mirë dhe më përfituese për Shqipërinë se ajo e vitit 2009 kur u nënshkrua nga Basha-Bakojanis.
Kështu, sot ish kryeministri Sali Berisha i ka dalë në mbrojtje sipërmarrësve që gërryejnë zonat natyrore në Skrapar për të nxjerrë gurë dhe mermer. Pas mbylljes së tyre, Berisha ka reaguar përmes një statusi në rrjetin social Facebook ku tregon një mesazh që sipas tij i ka ardhur nga një qytetar dixhital.
“Rama mbylli guroret e Skraparit per llogari te Zotkës dhe xhepave te tij!
Lexoni mesazhin e qytetarit dixhital mbi të vërtetën e mbylljes së guroreve dhe lënies pa rroga të 1200 punëtorëve në Skrapar. Sb,” thotë Berisha duke ju referuar një mesazhi anonim në Facebook.
Nuk dihet ende nëse “qytetari dixhital” ka qenë vërtetë punonjës në gurore apo në ndonjë seli partie që interesohet për mos mbylljen e tyre. (“Mbase sepse ish-kryeministri e ka pikë të dobët Skraparin”). I cili nuk ka munguar dhe ta botojë të plotë letrën që qytetari dixhital, njeriu i Metës i ka dërguar atij. Por Berisha i del në mbrojtje Metës, mbrojtje që do të thotë dhe evitim i afër 1 miliardë euro humbje që i shkakton Rama me mbylljen e guroreve dhe të mermerit në Tomorr dhe tërë qarkun./Pamfleti.com