Kryeminsitri Rama është ndalur sot në Libofshë, zonë ky sapo është mbyllur procesi Legalizimeve. Prej andej, duke folur për reformën e re të pronave, Rama lajmëroi ngritjen e Agjencisë Unike që do të shërbejë si mekanizmi i posaçëm për zgjidhjen e çështjeve të pronës.
“Nuk do ketë më Hipotekë apo ALUIZ-ëm dhe sorrollatje sa andej këtej. Agjencia kombëtare e titujve të pronësisë do trajtojë në mënyrë horizontale të gjithë problematikat e pronës.
Brenda saj do ketë një mekanizëm të ri, një avokat të qytetarit, një mekanizëm që do ta përdorin qytetarët për të mos humbur kohë në gjykatë përpara se të gjejnë gjuhë ne përbashkët me institucionin aty”, tha Rama.
Së shpejti drafti për ngritjen e agjencisë unike të pronave, do të shkojë në parlament dhe brenda 6 muajsh të 2019 do të kemi një adresë të re për çdo qytetar që ka një hall me pronën.
Integrimi i të gjitha proceseve që prekin pronën do të kryhet nëpërmjet krijimit të Agjencisë Shtetërore, si institucioni shtetëror përgjegjës për administrimin e regjistrit të pasurive të paluajtshme, si dhe për përfundimin e proceseve kalimtare të pronësisë.
Agjencia do të përfshijë në një institucion të vetëm, kompetencat e institucioneve si ALUIZNI; ZRPP, Agjencia e Inventarizimit dhe Trasferimit të Pronave Publike.