Wade Robson dhe James Safechuck kanë vërtetuar atë që prokurorët e panumërt nuk arritën dot ta bënin: Michael Jackson ishte një ngacmues fëmijësh.
Sipas FoxNews, dy nga viktimat janë përballur fillimisht me një pengesë të madhe: pretendimet e tyre janë paraqitur më shumë se një vit, pasi mbreti i Pop-it u nda nga jeta, në vitin 2009.
Viktimat kanë treguar se në këmbim të heshtjes, Jackson paguante familjarët me shuma të mëdha parash. Robson, i njohur si korografi i Britney Spears dhe i Justin Timberlake dhe Safechuck, i cili është shfaqur një herë në një reklamë të Pepsi-t, së bashku me Michael Jackson, kanë rrëfyer bëmat e yllit të Pop-it, duke tronditur edhe një herë tjetër opinion publik.
Jackson, në fakt gjithmonë e ka mohuar me forcë abuzimin me fëmijët. Në të gjitha pretendimet e paraqitura dhe dokumentet e depozituara në gjykata, ai kryesisht e ka shmangur pyetjen rreth marrëdhënies së tij me djemtë e rinj, duke këmbëngulur se kurrë nuk do të abuzonte me fëmijët.
FoxNews rendit rrëfimin e 32-vjeçarit Robson dhe 36-vjeçarit Safechuck, të cilët fillimisht kanë folur në vitin 2013 dhe 2014. Sipas tyre, Michael Jackson ka paguar 200 milionë dollarë tek më shumë se 20 viktima.
Safechuck ka treguar se e ka takuar Jackson-in për herë të pare kur ishte vetëm 8 vjeç, në vitin 1987 dhe një vit më vonë, ai ka dëshmuar se është ngacmuar sek sualisht nga ylli i Pop-it. Por më vonë, Michael ka firmosur një çek prej 1 milionë dollarësh për të atin e tij.
Sipas rrëfimit të Safechuck, Michael e vishte atë gjithmonë si veten dhe e prezantonte si kushëririn e tij. Nga ana tjetër, edhe Robson ka vërtetuar ngacmimin e mbretit të Pop-it.
Ai ishte 7 vjeç, kur Michael Jackson e ka ngacmuar për herë të parë: “Kam jetuar për 22 vjet në heshjte dhe në mohim”- ka thënë ai. Robson dhe Safechuck e mbyllin rrëfimin e tyre duke thënë se drejtësia duhet të vihet në vend, megjithëse tashmë duket se është vonë.