Sëmundja që papritmas i mori jetën Davide Astorit më 4 mars, ishte shumë e vështirë për të mos thënë e pamundur për t’u parashikuar. Kjo është ajo që del nga ekzaminimi i fundit mbi vdekjen e kapitenit të Fiorentinës që u gjet i vdekur në një dhomë hoteli në Udine, tetë muaj më parë, para ndeshjes kundër ekipit vendas.
Sipas mediave italiane, Joseph Creazzo(prokurori i Firences) i ka kërkuar ekspertit kryesor në botë të kësaj sëmundjeje, profesor Domenico Corrados i Universitetit të Padovës, për t’i dhënë përgjigje pyetjes: “A mund të shpëtohej Astori?”
Universiteti i Padovës, lider në kërkimin e sëmundjes e cila i mori jetën dhe futbollistëve të tjerë (Morosini, Puerta dhe Darcy Robinson), ka analizuar 800 raste të vdekjes së papritur tek njerëzit nën moshën 35 vjeçare. Të rinjtë të cilët vuajnë nga sëmundja në fjalë, janë shumë më të rrezikuar nga vdekja nëse janë sportistë.
Në analizat të cilave lojtarët i nënshtrohen shpesh, i fundit i bërë pak para vdekjes së tij, nuk dalin anomali të zemrës. Prandaj, ka pasur një sëmundje vdekjeprurëse e cila i merr jetën një ndër 5000 vetëve nën 35 vjeç. Një sëmundje “e fshehtë”, e cila mund të të marrë jetën papritmas dhe në 20% të rasteve dhe pa paralajmërim. Astori duket rasti tipik i kësaj sëmundjeje. Raporti, megjithatë, nuk flet me siguri rreth përgjegjësive, kështu që hetimi mbetet i hapur.