Ish kryeministri Sali Berisha krahas akuzave që mban mbi shpatulla e ka kthyer figurën e tij akoma në më bajate me postimet që bën në rrjetet sociale. Akuza pa pikë filtri, montime bajate, tallje…që nëse nuk do të kishte emër zor se do besojes se ai është profil i një ish kryeministri.
Sot Berisha ka postuar një foto të ministrit të Bujqësisë të hipur mbi një mushkë, që Berisha nga Viçidoli e quan me dashje “kalë”.
“Mjere kali qe ka siper Niko veshgjatin! Sb”, shkruan Berisha.
Se kush është e keqja që një ministër Bujqësie të jetë mbi kalë a gomar vetëm Berisha nga Vuiçidoli e di.
Ministri i Bujqësisë bën mirë që të jetë mbi kalë, mbi gomar, të jetë te toka, te fermat dhe mos të rrethohet nga katër muret e kolltuku i zyrës.
Po Berisha i Viçidolit e ka fshirë të kaluarën. Berisha i Viçidolit ka harrur se është rritur në mesin e bagëtive, lëndinave.
Sot luksi i ka errësuar sytë dhe tallet…
“Nëna kulloste bagëtinë tutje nga fshati dhe Saliu sapo vinte nga shkolla, nuk e hiqte çantën e librave, por vinte në shtëpi kërkonte bukë dhe nuk hante brenda. Ai e merrte bukën me vete, e hante rrugës, merrte çantën e shkollës mbi shpinë dhe ikte me vrap tek nëna që ta ndihmonte për të ruajtur bagëtinë”, tregon motra e ndjerë e tij.
Kjo nuk është një surprizë. Ai që mohon origjinën, mohon veten e tij, por Sali Berisha nuk e ka problem këtë gjë.
