Flitet shumë për preformancën e policisë Bashkiake të Bashkisë së Tiranës dhe për bëmat dhe shkeljet e tyre flagrante, por që Kryetari i Bashkisë i ka justifikuar me kryerjen e detyrës dhe të bërit shtet. Mirëpo, sot një pjestarë i stafit të portalit Zathur.net është bërë viktimë e një rast flagrant abuzimi me detyrën dhe shkelje të turpshme të ligjit, nga dy gjobëvënës të pafytyrë dhe të guximshëm të Veliajt, me profesionin pa profesion, “Policë Bashkiak”. Mjeti i tij me targa AA 061 SM i parkuar para derës së shtëpisë së gazetarit, rezident prej vitesh, i lindur dhe rritur aty, gjobitet për parkimin e mjetit në zonë me trafik të kufizuar dhe “jo rezident” . Ky është një mashtrim skandaloz, sepse policët në fletën e gjobës kanë vendosur emrin e poseduesit të mjetit dhe adresën, të cilën me siguri e ka marrë nga qendra operative e qarkullimit rrugorë dhe që përkojnë me vendin ku ishte vendosur mjeti.
Siç shikohet nga fotot e mëposhtme, mjeti është parkuar brënda të gjitha rregullave në parkimin e vijëzuar nga Bashkia. Por, pavarësisht nga menyra se si i vendosin gjobat këto gjobaxhi, të bënë përshtypje fakti, se përse është vendosur gjoba në makinën me logon e portali, e cila është parkuar aty, brënda të gjitha rregullave dhe përse këto palo policë nuk kanë gjobitur asnjë nga mjetet përballë tij, në shkelje flagrante dhe të turpshme të ligjit?!
Nga katër mjete të parkuara aty, dy janë vendosur në krahun e kundërt, kurse dy janë parkuar sipër trotuarit, duke e masakruar atë dhe parat e taksa paguesve shqiptarë. Mjeti me ngjyrë të verdhë nuk ka asnjë mundësi të jetë rezident, sepse është me regjistrim të Kosovës, por gjobaxhit e lali Erit nuk shikojnë nga sytë, ndaj shkelje për ta është kur zbatohet rregulli dhe ligji.
Një shkelje flagrante e këtyre bashibozukëve është dhe mos shkrimi i emrit të plotë të gjobvënsit por vetëm inicialet E.XH. Ky A. XH. na dha një informacion të mjaftueshëm duke na krijuar edhe ne bindjen se Policia Bashkiake është kthyer në një bandë gjobëvënsish antiligj. Është detyrë imediate që këta mostra duhet të pastrohen nga policia. Por çeshtjen e dy gjobvënsave, për qëllime akoma të pakuptuar nga ana jonë, nuk do ta lëm me kaq, nëse Lali Eri nuk do tu tregoi vendin këtyre njerëzve që paguhen nga taksapaguesit, për të mbrojtur ligjin dhe jo për të përdorur ligjin, që nuk është i tyre, si pronë me tapi. Ato që shkruhet në këtë denoncim, janë të dokumentuara me fotot poshtë, ndërsa A.XH me shokun e tij nuk i gjetëm aty që t’i fotografonim./Zathur.net
