Ditën e djeshme është çelur Panairi i Librit në Pallatin e Kongreseve në Tiranë. Për katër ditë me radhë, deri ditën e diel, stendat e shtëpive botuese do të jenë të hapura për të gjitha llojet e librave.
Ndërkohë, të shumtë ishin ata që kanë promovuar librat e tyre të rinj nën stendat e shtëpive përfaqësuese, siç ishte edhe rasti i Namik Dokles, ish-deputetit të PS.
Ai ka marrë urime të shumta, mes tyre edhe nga ish-ministri i Financave në qeverinë “Berisha”, Ritvan Bode. Agim Rama ka publikuar një foto, ku dy rivalët politikë shtrëngojnë duart mes tyre.
