Miku i Berishës merr në mbrojtje Gruevskin, gati të strehojë edhe politikanët që do dënohen në Shqipëri nga SPAK
Aleanca mes të korruptuarve dhe oligarkëve nuk është vetëm kombëtare, por ndërkombëtare dhe botërore. Ish-kryeministrat dhe politikanët e Ballkanit, që po dënohen për korrupsion me ndërhyrjen e SHBA dhe BE, po gjejnë strehim te miqtë e tyre të korruptuar, që janë ende në pushtet.
Ish-kryeministri i Maqedonisë, Nikola Gruevski, i shpallur në kërkim ndërkombëtar dhe i dënuar me dy vjet burg për korrupsion, po kërkon strehim te kryeministri hungarez, Viktor Orban. Kryeministri Orban është miku më i ngushtë dhe i besuar i ish-kryeministrit shqiptar, Sali Berisha, por edhe i Presidentit Ilir Meta.
Berishën, Orban dhe Ilir Metën i bashkon aleanca kundër SHBA-BE dhe vjedhja e kombeve të tyre përmes tenderave dhe plaçkitjes së pasurive kombëtare. Ashtu si Berisha, që u izolua vitin e fundit të mandatit, Viktor Orban konsiderohet si “delja e zezë” e Bashkimit Evropian. Ai ka disa vite që përplaset vazhdimisht me BE-në, në përpjekje për të ruajtur sundimin e tij në Hungari.
Tani është gati dhe të strehojë ish-kryeministrat e Ballkanit, që kërkohen të futen në burg për korrupsion. Pas Gruevskit, edhe Sali Berisha e Ilir Meta, nëse do të shpallen në kërkim apo do të dënohen nga SPAK-u, pritet të strehohen nga miku i tyre, Viktor Orban, deri kur ky i fundit të rrëzohet nga pushteti./Pamfleti