Zyra përgjegjëse e Aleancës për Koordinimin Global të Sigurisë ka dyshime të forta se Visho Ajazi Lika, me cilësinë e ambasadorit në NATO, ka dhënë informacione paralele spiunes ruse Ollga dhe ndaj vendeve jo mike e armike, si dhe “bukës së vjetër” Bersha, dhëndër serb. Shqetësim dhe për Drejtorin e Kabinetit të Ilir Metës, Arben Cici, një spiun i vjetër rus që ka akses mbi të gjitha informacionet e Presidencës. Kërkohet nga NATO parandalim të rrjedhjes së informacioneve sekrete, ose ndryshe do ketë penalizim ndaj Shqipërisë
Shqipëria gjithnjë ka qenë nën akuzë në lidhje me rrjedhjen e informacioneve sekrete drejt vendeve jo mike dhe armike të NATO-s. Teksa është vënë theksi gjithnjë për rrjedhjen e informacioneve sekrete të Aleancës drejt Rusisë, Serbisë, Iranit dhe vendeve të tjera të “boshtit të së keqes”, situata u bë aq e rëndë sa në kohën kur kryeministër ishte Berisha e ministër i Mbrojtjes Imami, përfaqësuesi ynë në NATO nxirrej jashtë, duke u përjashtuar nga diskutimet në detaje të situatave sekrete.
Dhe përjashtimi nga diskutimi bëhej pikërisht atëherë kur kishte shkëmbim informacionesh sekrete, ndërkohë që organeve të sigurisë në Shqipëri u kaloheshin zyrtarisht vetëm informacione të dorës së dytë, që nuk kishin të bënin me cënimin e sigurisë së kufijve të Aleancës.
Por situata nuk është aspak e këndshme as ditët e sotme, kur kryeministër është Edi Rama dhe në pushtet janë socialistët, për shkak dhe të vetë gabimeve fatale të kësaj mazhorance.
Zyra përgjegjëse e Aleancës për Koordinimin Global të Sigurisë, emërtohet për shkurt NOS, ka shfaqur një shqetësim për rrjedhjen e informacioneve sekrete të NATO-s nga pala shqiptare.
Paralel me shqetësimin zyrtar për rrjedhjen e informacioneve sekrete, autoriteteve shqiptare u është kërkuar me insistim rritja dhe forcimi i kapaciteteve për menaxhimin e informacionit të klasifikuar, sidomos në ato institucione, të cilat përbëjnë dhe “majën e zinxhirit të grumbullimit të informacionit të klasifikuar”.
Fjala është për dyshimet që ekzistojnë ndaj Presidencës, institucioni ku raportojnë të gjitha institucionet e sigurisë, Shërbimi Informativ Shtetëror e shërbimet e tjera, për shkak të të qenit të Presidentit dhe Komandant i Përgjithshëm i Forcave të Armatosura të Republikës së Shqipërisë.
Njëherësh, dyshime të forta nga ana e NOS kanë ardhur dhe për shkak të mungesës së besimit ndaj ambasadorit tonë në këtë organizëm, ish-kreut të SHISH, Visho Ajazi Lika, tepër i përfolur për lidhjen e tij me spiunen ruse Ollga dhe me shërbimet sekrete ruse dhe iraniane.
Shqetësimi i organeve të sigurisë në NATO vjen nga fakti se informacione sekrete që kanë dijeni vetëm ambasadori Visho Ajazi bashkë me homologët e tij, por dhe DSIK që është institucion përgjegjës për informacionet e NATO-s dhe Presidenca kanë rrjedhur në drejtim të rusëve, serbëve, iranianëve dhe disa vendeve jo mike të Aleancës, duke rrezikuar rëndë sigurinë e saj.
Teksa kanë marrë garanci nga DSIK, Ministria e Jashtme dhe Ministria e Mbrojtjes se nuk ka pasur rrjedhje të informacioneve sekrete, për shkak dhe të verifikimit nga vetë Siguria e Aleancës të informacioneve që kanë kaluar nëpërmjet këtyre institucioneve, të cilat s’rezultojnë të jenë dekonspriruar, rrethi është ngushtuar tek ambasadori i Shqipërisë në NATO, Visho Ajazi Lika, dhe Presidenti Ilir Meta.
Organet e Sigurisë në Aleancë po verifikojnë të gjitha informacionet e klasifikuara që kanë kaluar përmes ambasadorit të Shqipërisë në NATO, Visho Ajazi Lika, pasi ekzistojnë dyshimet se ai paralel me dhënien në organet shqiptare të këtyre informacioneve, i ka kaluar dhe te shërbimet e fshehta ruse, serbe, iraniane dhe vendeve të tjera jo mike.
Dyshohet se Visho Ajazi Lika nuk e ka harruar as “bukën” e vjetër Sali Berisha, ku dihet “dobësia” e ish-kryeministrit shqiptar për serbët, ku është dhëndër, Gardën Revolucionare të Iranit, me të cilën ka bërë tregëti armësh dhe mbi të gjitha afiniteti i tij me rusët.
Njëherësh shqetësim ka paraqitur dhe prania në Presidencë në postin e Drejtorit të Kabinetit të kreut të shtetit, e një spiuni rus si Arben Cici.
Duke qënë se drejtori i kabinetit të Presidentit ka akses të plotë mbi të gjitha informacionet që vijnë për Presidentin Meta, rrezikon që këtë informacion të klasifikuar që vjen nga të gjitha institucionet e Sigurisë në Shqipëri, ta përpunojë e ta dërgojë tek ata të cilëve u shërben, rusëve.
Parë në këtë këndvështrim, organet e Sigurisë së NATO-s kanë kërkuar nga pala shqiptare marrjen e të gjitha masave për parandalimin e një fenomeni të tillë që rrezikon Aleancën, kufinjtë e saj dhe vendet anëtare. Ndryshe do të ketë penalizime të rënda për rrjedhje informacioni sekret./Pamfleti