Duhet ta pranojmë se edhe të rinjtë e sotëm e pëlqejnë shumë teatrin dhe filmin. Pavarësisht se interneti mundëson që ta shohësh gjithçka në kohën tënde të lirë, sërish shumë prej tyre zgjedhin të shkojnë ta shijojnë nga afër një shfaqje në teatër apo një film të ri që sapo ka dalë në kinema.
Këtë e dëshmojnë shumë mirë biletaritë e këtyre institucioneve dhe edhe pse, një moment të vjen keq kur zonjusha në sportel të thotë se fatkeqësisht nuk ka më bileta për shfaqjen tënde të preferuar, nga ana tjetër po ta mendosh thellë të vjen mirë që moshatarët e tyre kanë të njëjtën dashamirësi për artin. Ashtu si dhe prindërit tanë edhe ne jemi rritur me filma e pjesë teatrale prej të cilave kemi marrë shumë batuta e shprehje të cilat i përdorim në jetën e përditshme.
Në një status në Facebook-un e Blitz.al kërkuam prej ndjekësve të na thonin disa nga shprehjet e filmave apo teatrove shqiptare të cilat u kanë mbetur në mendje dhe i përdorin gjatë jetës së përditshme. Na duhet ta pranojmë se u befasuam, madje madje kishte shumë nga ata që dinin përmendësh një pjesë të mirë të skenarit të tyre.
Ja cilat janë disa nga shprehjet që në muhabet e sipër me miqtë tanë në një tavolinë të thjeshtë na nxjerrin nga situata apo tregojnë se edhe ne të rinjtë e duam shumë artin.
“Ëndrra janë bëjnë vaki edhe nuk dalin. Rëmi rëmi op mi ke surpa mëshu nëpu. (8 persona plus)
” Çe ke në terezi ti, i fut një tralala edhe… Po kjo tona, kjo tona që nuk hahet as me vaj e as me uthull. Krushqi me Jovan Bregun? Pupupu… Irenkë pse të djeg miza moj xhan? Po kur u bë dhe i biri i tetës, Sandër Mafishja, mos ngeltë djalë më këmbë. S’kisha bërë ndonjëherë nga këto anonimet. Sa ditë e bukur ishte dje! Po pra ka rënë shi gjithë ditën. Unë për vete dola shëtitje. Normal pa Tomin se e kishte zënë gripi. (Pallati 176)
“Kujdestar surrat patate, mirë ja bëmë Zotërisë sate”(Lulëkuqe mbi mure)
“Shoku Kopi, shoku Kopi. Dua edhe akullore edhe çokollata. Cuk, po ti do më vdesësh mua!”(Dy herë mat)
“Bam Bam dy herë! U pa jeta ime Bushi. ”(Gjithë fajet i ka paraja)
“Duron Ollgë zeza duron.Unë jam Koçi. Hahahhahahahah. Shitën gomarin blenë biçikleta e çoç u duket vetja. (Zonja nga qyteti)
“Bisht i qenit bisht qeni do mbetet. “(Dora e ngrohtë)
“Gërmo Tare gërmo se aty kam groposur qenin e ngordhur”(Përballimi)
“E Gjeta Vangjel! Gjino, rritu të kapësh fikun! Të të përgjigjem unë Zoti Maliq? Çe ka këtë muhabetin e fikut ky Zoti Maliq. Unë s’kam nevojë të rritem se hipi në pemë! E ka marrë malli për fiq prandaj. Merr një gur e bjeri. “(Përrallë nga e Kaluara”)
“Pulave u ka hije të kakarisin vetëm në kotec.”(Kapedani)
“Njeriu gëlltit diku një lugë çorbë të prishur dhe e vjell tërë jetën.”
“Maje , këtu të godas.” (Përparimtari)
“Spiunin e vrau Milua. Po me urën ç’patën?”(Kur zbardhi një ditë)
“Atë e di unë” (Njeriu me top)
“Po ti në ëndërr u martove moj xhani I babit se kështu aha e ndritë fare. “(Piruet)