Sot disa media që tashmë publikojnë vetë lajme qesharak njoftuan se çifti Gina Gashi paskan fituar betejën ligjore me Arta Markun. Ata sipas këtyre mediave, paditën Markun për shpërdorim detyre dhe sipas vendimit të Gjykatës Administrative të Apelit, ata kanë fituar sërish të drejtën për t’u rikthyer në detyrë.
Gashi-Gina ishin pezulluar nga detyra nga Arta Marku pas akuzës për refuzimi për deklarim, fshehjes së pasurisë dhe deklarimit të rremë të pasurinë nga prokuroria e Durrësit.
Nëse është e vërtet, ky është një handikap i madh i sistemit të ndyrë të drejtësisë, që akoma nuk po pastrohet me rrënjë. Nuk ka asnjë gjykatë që mund t’i kthej në punë çiftin Gina dhe Gashi, të cilët janë në ndjekje penale dhe janë shkarkuar nga KPK dhe nuk ka asnjë kompetencë gjykata administrative e Apelit që të ndërhyj apo të jap vendim në kundërshtim me strukturat e vetingut.
Ish-drejtorja e Marrëdhënieve me Jashtë dhe Sektorit të Dekriminalizimit në Prokurorinë e Përgjithshme, e pezulluar pak muaj më parë nga kryeprokurorja Arta Marku, është shkarkuar nga detyra.
Vendimi është marrë nga Komisioni i Pavarur i Kualifikimit, sipas të cilit ish- prokurorja, Rovena Gashi nuk e justifikon pasurinë.
E njëjta gjë vlen edhe për bashkëshortin, i cili edhe ai largohet nga KPK për të njëjtën arsye. Shumë shpejt prokurorët dhe gjyqtarë që nuk kalojnë as gjykimin e KPA ( kolegji i posaçm i apelimit) do përballen me SPAK BHK për krime të rënda. E vetmja strukturë ligjore që mund të kthej në detyrë çiftin Gina-Gashi është Kolegji i Posaçëm i Apelimit. Të gjitha vendimet e gjykatave të tjera janë nul dhe antikushtetuese. /Ekskluzive.al