Bashkitë e vendit të cilat kanë kontrata të lidhura me kompaninë Alko Impex duhet t’i ndërpresin ato, të bëjë verifikimet dhe të nisin procedim penal ndaj kompanisë.
Kompania Alko Impex e Arbër Abazi, nipi i deputetit socialist Sadri Abazi, u skalifikua për 3 vjet nga procedurat e prokurimit publik për dorëzim të dokumenteve me përmbajtje të rreme.
Ky fakt është bërë i ditur në vendimin e Agjensisë së Prokurimeve Publike. Në këtë vendim përfshihen ndër të tjera dhe arsyet si: veprime korruptive, dënime për vepra penale, mospërmbushje të detyrimeve penale.
Vendimi i APP-së erdhi pasi Bashkia Elbasan verifikoi dokumentat e paraqitura nga kompania për pjesmarrje në tender me objekt “Pastrimin dhe gjelbërimin e qytetit Elbasan”.
Bashkia Elbasan i kërkoi Universitetit të Prishtinës të verifikonte diplomën e dorëzuar nga kompania për personin Bekim Selmani.
Sipas, përgjigjes të Universitetit të Prishtinës vërtetohet se kompania ka dorëzuar diplomë të falsifikuar për personin në fjalë.
Pas vërtetimit të dokumentave të rreme, Bashkia Elbasan ka hapur çështje penale ndaj kompanisë. Ndërsa kjo e fundit paraqiti kërkesë për tërheqje nga tenderi pavarësisht se Komisioni i Prokurimeve Publike e kishte shpallur fituese.
Kompania, të paktën në dy tendera, të Bashkisë Tiranë me objekt “pastrimin e Tiranës, Zona III” të zhvilluara në vitin 2014 dhe në vitin 2017 ka përdorur dokumenta të falsifikuara, si rrjedhojë tenderat e fituara prej saj janë të paligjshme.
Kompania Alko Impex Construction ka marrë rreth 10,8 milionë euro tender nga 7 bashki, nga viti 2014 deri më 2017. Tenderat e fituara prej saj janë kryesisht me objekt pastrimin dhe gjelbërimin e qytetit.
Ndër to 6 kontrata i ka fituar vetëm nga Bashkia Tiranë, prej së cilës vetëm në periudhën 2016, 2017 ka marrë 2 tendera për pastrimin e Tiranës Zona III me vlerë përkatësisht 4,9 milionë euro dhe 4,1 milionë euro.
Përveç kësaj, kjo kompani ka paraqitur ofertë, me të njëjtat dokumenta për tenderin e hapur nga Bashkia Kamëz për pastrimin e qytetit.
Ndërkohë është kapur me letra false në prokurimin e pastrimit të bashkisë Kavajë. Gjithashtu në Korçë pas ankesës së kryer nga kompania Korsel sh.p.k, që kishte më parë këto kontrata.
Gjithashu edhe kompania Shpresa shpk. e cila zotëron kontratë për një lot të pastrimit të bashkisë Tiranë, edhe në këtë prokurim Alko Impex ka paraqitur dok false. Pas gjithë këtyre, kompania u skualifikua 3 vite nga prokurimet publike.
Ndërkohë janë në verifikim edhe kontrata të tjera të kësaj kompanie apo ndonjë dege të saj, të lidhura me bashkitë e vendit. Pasi dyshohet, se duke përdorur dokumenta falso nga Alko Impex në një shoqëri tjetër e lidhur me të, jane përfituar edhe kontrata të tjera.
