Ilir Metaj është një vlonjat mjaft i njohur, i cili vetëm prej emrit ngatërrohet herë pas here me Presidentin e Shtetit, Ilir Meta.
Ai është mjaft aktiv në rrjetet sociale dhe nuk janë të pakta herët kur statuset apo komentet e tij kanë shkaktuar reagime të forta në lidhje me çështje të ndryshme.
Një koment plotë humor dhe ironi i tij na ka tërhequr vëmendjen ditën e sotme. Në të, Metaj shkruan se ëndërron ditën kur Vlora të shpallet republikë dhe të vendoset dënim me 100 thupra b*thëve për ata që kthehen nga Tirana e ndryshojnë mënyrën e të folurit.
Ai shkruan ironikisht:
Enderroj nje dite kur Vlora te shpallet republike me vete dhe menjehere te vendose denimin “100 thupra bytheve” per te gjithe vlonjatet, qe pasi rrine ca kohe ne Tirane, kur vijne ne Vlore, flasin si tirons”.
E në fakt s’e ka aspak keq. Fenomeni i “tironizimit të gjuhës”, ka prekur një pjesë të mirë të studentëve, vlonjatë dhe jo vetëm, të cilët shkojnë drejt Tiranës për një periudhë të shkurtër kohe, e si pasojë e shkrirjes me vendasit, humbin mjaft elementë nga gjuha e tyre e vendlindjes.