Të gjithë liderët politikë në Shqipëri, në mazhorancë dhe në opozitë, në të majtë dhe në të djathtë të spektrit politik shqiptar, i kanë bërë publike tashmë qëndrimet e tyre në lidhje me aktin e Presidentit të Republikës, për të mos e dekretuar Sandër Lleshin në pozicionin e ministrit të Brendshëm.
Të martën, Parlamenti do të shkarkojë formalisht Fatmir Xhafën dhe me emërimin e tij zv. Ministër, Lleshi mer dhe nis të ushtrojë funksionin e tij të ri me fuqi të plota ekzekutive si ministër.
Ajo që nuk dihet deri tani, është vetëm një qëndrim. Një pozicionim. Pasi nuk është bërë publike vetëm një deklaratë, një mendim dhe një gjykim. Lëvizja Socialiste për Integrim dhe kryetarja e saj Monika Kryemadhi, nuk janë prononcuar ende në lidhje me vendimin e Presidentit të Republikës.
Kur kanë kaluar shumë e shumë orë nga akti I paprecedentë I Ilir Metës, të gjithë pyesin: Po Monika Kryemadhi, çmendim të ketë vallë? A është dakord ajo me këtë vendim? Po sikur të jetë kundër, si i bëhet?
Mbi të gjitha, pas kësaj, a I qëndron ende zonja Kryemadhi, deklaratës së saj të disa javëve më parë në një emission televiziv se “po të kisha 92 deputetë do të shkarkoja Presidentin me motivacionin e dhënies së fuqisë së kokës së krimit, Edi Rama”?
A do ti bashkojë ajo votat me PS nëse Erion Braçe përshembull e ndërmerr nismën e deklaruar për ta shkarkuar Ilir Metën? Apo pas kësaj, ajo heq dorë nga deklarata e bujshme, sepse tashmë sapo ka rënë motivacioni dhe Presidenti e dëgjoi duke ia hequr bashkë me dekretin për ministrin e Brendshëm, edhe “fuqinë…” Edi Ramës?!