SHBA-BE dhe mbarë shqiptarët, duhet ta dinë, se institucioni më i lartë i Shtetit Shqiptar, është kapur dhe po komandohet nga bota e krimit, korrupsionit dhe “misionarët” anti-kombëtarë, fakt që e tregoi bllokimi i institucionit të luftës kundër krimit
Nuk mund ta dekretonte Ilir Meta, një Ministër të Brendshëm, të trajnuar e përzgjedhur nga SHBA-BE, për të pastruar krimin, në kupolën e shtetit e politikës shqiptare, kur vetë Ilir Meta, është “Espinoza” i krimit dhe korrupsionit shqiptar e rajonal, me struktura bandash e pasuri kriminale, në bazat anti-shqiptare Serbi, Moskë e Athinë.
Nuk mund të dilte nga Presidenca, dekreti “Pro” fillimit të luftës kundër krimit, kur institucioni më i lartë i shtetit, duke nisur nga vetë Presidenti, Drejtori Kabinetit e deri tek këshilltarët (përveç dy prej tyre), janë një bandë anti-ligj, që përbëhet nga kapobandë aferash korruptive, agjentë të shërbimve sekrete ruse e serbe, nga militantë partie, nga ish-spiunë sigurimi të shtetit, nga zyrtarë të lartë, të dënuar si falsifikatorë diplomash, nga ish-drejtorë qendror, me dosje penale e të dënuar me burg, për vjedhje fondesh e pronash publike.
Nuk mund të quhet “Presidencë”, një institucion i kthyer në “shpellë” kriminelësh, hajdutësh, spiunësh sigurimi e agjent shërbimesh sekrete anti-shqiptare, për më tepër, me president, kryehajdutin e penalizuar, që ka grabitur floririn Thesar Shteti e është kapur në flagrancë, me zë dhe me figurë, duke bërë afera korrupsioni shtetërore, me detyrën si Zv/kryeministër e ministër, për shkak të të cilit, u vranë 4 njerëz në protestën anti-korrupsion.
Ja “CV” e atyre, që kapardisen si udhëheqës të Presidencës (vetëm dy të pastër)
ILIR METAJ, President i Republikës, njihet biografia e tij 27 vjeçare me përmbajtje e simbole të shumta, “llumi” korruptiv e lidhje me botën e krimit
ARBEN ÇIÇI, Drejtor i Kabintet të Presidentit, krye-agjent, “rezident” i shërbimeve sekrete ruse, i zbuluar e konfirmuar nga shërbimet inteligjente Perëndimore.
BAHRI SHAQIRI, Këshilltar për Çështjet e Sigurisë Kombëtare, ish-Zv/ministër partiak i emëruar nga LSI si militant e shërbestar i saj, i lidhur familjarisht me këtë parti, për interesa kolltukësh
ILDA ZHULALI, Këshiltare për Integrimin Evropian, vajza e ish-ministrit Safet Zhulali, koordinatore për programin e integrimit në PD, anëtare e Këshillit Kombëtar të PD, bashkëshorte e deputetit dhe anëtarit të Kryesisë së PD, Aldo Bumçi.
PIRO AHMETAJ, Këshilltar Ushtarak, liruar nga ushtria për ca “punë të liga”, i rikthyer nga pushteti i PD Këshilltar i Presidentit Bujar Nishani, ish-spiun i sigurimit të shtetit me pseudonimin “Shkodrani”, me dosje të publikuar në parlament e media, nga Safet Zhulali dhe deputeti i LSI (PS) Spartak Braho.
GENCI MUÇAJ, Këshilltar për Mardhëniet Ndërkombëtare, ish-Ambasadori i Shqipërisë në Turqi, dënuar me Vendim Nr. 439, datë 8 prill 2008, i falsifikues i diplomës së shkollës, zbuluar kur u emërua nga Ilir Meta, Drejtor në Shërbimin e Marrëdhënieve Shumëpalëshe në Kuvendin e Shqipërisë
YLLI ASLLANI, Këshilltar për Pushtetin Lokal, ish-kryebashkiak i PD në Gjirokastër, prej 25 vitesh anëtar i Këshillit Kombëtar të PD dhe koordinator për reformën në Pushtetin Lokal, në kryesinë e PD.
MAJLIND LAZIMI, Këshilltar Ekonomik, ish-Drejtor i Përgjithshëm i “Posta Shqiptare”, kushëri i Monika Kryemadhit, shkarkuar dhe çuar për ndjekje penale, me akuzën korrupsion, anëtar i Komitetit Drejtues të LSI.
BLEDAR DERVISHAJ, Këshilltar për Çështjet Ligjore, reformën në Drejtësi, Administratën Publike dhe të Drejtat e Njeriut, ish-Drejtor i Pronave të Qarkut Tiranë, dënuar me burg, për falsifikim dosjesh pronësie, ryshfet dhe vjedhje pronash, i zgjedhur në kupolën drejtuese të LSI./Pamfleti