Ilir Meta duket se nuk do ta dekretojë Sandër Lleshin si ministër të Brendshëm.
“Do gjej kohën e duhur, për të marrë vendimin e duhur. Presidenti ka për detyrë për të ushtruar të gjitha detyrimet kushtetuese për çdo propozim që i bëhet. Nuk mund të hedh firmë për dekrete formale e aq më tepër për një detyrë të tillë që në momentin aktual, kërkon përgjegjshmëri.
Di të marr vendimet e mua, pa u ndikuar nga askush, as nga orët dhe sekondat. Kushtetuta është shumë e qartë, presidenti ka përgjegjësi për çdo firmë që hedh.
Ua kam thënë të qartë kam bërë punën time institucionale, kam bërë përpjekjet e mia, kam qenë mjaft bashkëpunues me institucionet dhe personat e interesuar për këtë çështja, dhe unë i marr vendimet e mia pa i ndikuar nga askush. Më duket se Kushtetuta është shumë e qartë, presidenti ka përgjegjësi për çdo firmë që hedh. Nëse do të kishte firmë unë atë nuk do ta lija për ta shpallur në studion tua, do ta kisha bërë atë publike”, tha Meta në studion e “Fakt”.
I pyetur për lidhjet me Sandër Lleshin, Meta tha se e njeh vetëm si emër, si funksionar.
“E njoh vetëm si emër si funksionar që ka qenë si funksionar i lartë në ushtri apo si këshilltar i kryeministrit. Askush nuk mund të ndikojë tek Ilir Meta me interpretime”,deklaroi ai.