Pas triumfimit në “Sanremo” me “Non mi avete fatto niente” Ermal Meta arriti dhe një sukses tjetër. Albumi i tij rezultoi të ishte më i shituri në Itali.
Por duke lënë pas këto suksese Ermal Meta po përflitet edhe për një lidhje dashurie me Fabrizio Moron. Ka qënë një status i vetë këngëtarit shqiptar që bëri mediat të hidhnin dyshime mbi marrëdhënien e tyre.
“Ne duhemi por jo aq shumë”, ka shkruar në Twitter Ermali.
Por këto zëra u mohuan kategorikisht nga vetë ai.
Nëpërmjet një statusi Ermali thekson se ishte një ironi dhe nëse një ditë do të ndryshonte diçka do të ishte ai i pari që do ta deklaronte.
“Kam ironizuar me disa foto qesharak pa u ndjerë i ofenduar. Homoseksualiteti nuk është diçka për t’u mbrojtur. Është vetëm se më pëlqejnë gratë, ashtu siç i pëlqejnë dhe Fabrizios. Nëse do të ndryshonte diçka ju premtoj se do ju them vetë! #Rroftëdashuria” ,- ka shkruar Ermali duke hedhur poshtë të gjitha dyshimet.
Kujtojmë se kantautori shqiptar prej vitesh është i lidhur me një spikere radiofonike ndërsa po ashtu dhe Fabrizio është në një lidhje dashurie që prej vitit 2007 me një grua që quhet Giada dhe ka dy fëmijë Libero dhe Anita.
