Menjëherë pas bërjes publike të dorëheqjes së Fatmir Xhafajt, ish-ministri i Brendshëm Saimir Tahiri ka anulluar konferencën e shtypit që kishte paralajmëruar paraditen e sotme.
Sipas burimeve, ish-ministri Tahiri do të dal në konferencë për shtyp ditën e hënë. Mendohet se shtyrja e daljes së Tahirit ka të bëj me dorëheqjen e Xhafaj.
Xhafaj dhe Tahiri në asnjë moment nuk i kanë fshehur përplasjet mes tyre, ndaj dhe aludohet për një lidhje mes dy zhvillimeve të fundit.
Lajmin e dorëheqjes së Xhafajt e ka dhënë pak minuta më parë vetë kryeministri Edi Rama në rrjetin social “Twitter”, ndërsa vendin e tij e ka zënë Sandër Lleshi.
Xhafaj zëvendësoi Saimir Tahirin marsin e 2017-tës, pas protestave të vazhdueshme të PD-së dhe vendosjes së çadrës për tre muaj përpara kryeministrisë.
Xhafaj ka qenë një nga ministrat më të sulmuar të qeverisë Rama për shkak të dënimit të vëllait të tij për çështje droge në Itali./Ekskluzive.al