“Kërkohet kuzhinier me eksperiencë në shtëpi private për klientë Vip, i gatshëm të zhvendoset mes Londrës, Lisbonës dhe New York, dhe në gjendje të gatuajë ushqime të ndryshme”.
Është ky njoftimi i shfaqur në sajtin ‘Talent Private Staff’, një agjenci punësimi online, për personel për personazhet e njohur, i bërë as më shumë dhe as më pak, por nga Madonna.
Këngëtarja e njohur ofron një rrogë që varion nga 100 mijë deri në 125 mijë euro në vit.
Por për të qenë kandidat për këtë pozicion, duhet njohur kuzhina kosher, një kuzhinë hebraike dhe duhet të përdoren pajisje të veçanta për mishin, bulmetin, dhe se asnjëherë nuk duhen përzier bashkë në shërbim.
“Ushqimet e preferuara nga klientja, janë ato të kuzhinës italiane, rizoto është më i preferuari, sushi aziatik dhe pjatat klasike europiane dhe amerikane. Ushqimi duhet të jetë i shëndetshëm, i thjeshtë dhe familjar. Kandidati di të gatuajë për klientin, për të ftuarit, stafin dhe fëmijët e saj. Përzgjedhja e kandidatëve do të nisë në muajin nëntor”, thuhet në njoftim, citon noa.al.
Ndërkohë aktualisht Madonna jeton në Portugali, ku djali i saj 13-vjeçar David, po stërvitet për tu bërë futbollist profesionist.
Por shtëpia e saj bazë mbetet ajo në Londër, në Mayfair, edhe pse shpesh këngëtarja kalon shumë kohë në New York.