Avokati Maks Haxhia ka folur për mediat pas vendimit të gjykatës e cila la në burg dy ish-deputetët e PS-së Arben Ndoka dhe Arben Çuko.
Haxhi tha se ky është procesi më qeshark që kishte parë në karrierën e tij prej 41 vitesh pasi është shkelur hapur ligji pasi çdo person i arrestuar trajtohet veçmas dhe jo siç ndodhi në këtë seancë maratonë prej 10 orësh ku 44 të arrestuarit janë thirrur së bashku.
“Akuzat janë skandaloze,lidhen persona që s’kanë lidhje me njëri-tjetrin. Dosja nuk është studiuar. Ka 13 fashikuj, s’mund të merret vendimi për 1 ditë. Përveç saj ishin dhe tre të moshuar, u shkel ligji dhe për ata”, tha Maks Haxhia.
Avokati u shpreh gjithashtu se edhe akuzat janë skandaloze pasi sipas tij për Arben Ndokën dhe Arben Çukon janë servirur fakte që s’kanë të bëjnë me ato të përgjimeve.
“Unë personalisht, isha avokat i zotit Cuko dhe Ndoka, janë servirur fakte që s’kanë të bëjnë me atë që ka ndodhur në përgjime. Prandaj insistova që mediat të ishin në proces dhe fakti që ju refuzuan na krijon bindjen se jemi para një procesi të montuar. Po të shihnin bisedat telefonike, Cuko ka thënë që i dënuari nuk do lëvizë sepse mund të bëhen pisllëqe”, shtoi avokati.