Policia e San Diegos po heton një pako të dyshimtë në bulevardin e 6-të, ku ndodhen zyrat e San Diego Union-Tribune.
Ndërtesa ka edhe zyrat e fushatës së senatores Kamala Harris. Nuk dihet ende se për ku ishte adresuar pakoja.
Një tjetër pako e dyshimtë u zbulua te ndërtesa “Time Warner”, Nju Jork, ku ndodhen zyrat qendrore të CNN. Stafi u evakuua, por ende nuk është dhënë ndonjë raportim më i detajuar.
Mësohet se pakoja në zyrat e CNN ka qenë e dërguar për te ish-drejtori i CIA-s, John Brennan.
Ndërkohë, një tjetër alarm është dhënë te zyra e kongresmenes demokrate, Debbie Wasserman Schultz, në Florida. Stafi është evakuuar.
Shërbimi Sekret amerikan thotë se disa pajisje me lëndë shpërthyese u janë dërguar me postë familjes Klinton, në shtëpinë e tyre në Nju Jork; shtëpisë së Barak Obamës në Uashington, si dhe zyrave të CNN në Nju Jork.
Hillari Klinton nuk ishte në shtëpinë e saj. Të martën ajo po ndiqte një organizim për fushatën e demokratëve në Florida. Por bashkëshorti i saj, ish presidenti Bill Klinton, ishte në shtëpi, sipas të afërmëve. Ai vazhdon të qëndrojë në Nju Jork.
Zëdhënësit e ish presidentit Barak Obama nuk kanë komentuar për vendndodhjen e tij gjatë natës së mbrëmshme, por çifti nuk ka pasur ndonjë plan të programuar.
Ndërkohë, një tjetër alarm është dhënë te zyra e kongresmenes demokrate, Debbie Wasserman Schultz, në Florida. Stafi është evakuuar.
E njëjta situatë u zhvillua edhe në shtëpinë e Xhorxh Soros-it, një ditë më parë.
Stafi i presidentit Trump ka reaguar menjëherë, duke thënë se po i ndjekin të gjitha përditësimet me kujdes. Kryetari i Dhomës së Përfaqësuesve, Paul Ryan, deklaroi se nuk do të lejojnë kurrsesi që të terrorizohen figurat e larta shtetërore.
Top Channel