“Ushtria e bixhozxhinjëve”, njofton protestë në mes të Tiranës e përkrahur dhe nga “lehsat” që fitojnë pa luajtur!
E ashquajtura “Shoqata e Basteve Sportive” do fillojë reagimin, me grumbullim të punonjesve e pronarëve, para Kuvendit
Kryeministri deklaroi, se natën e Vitit të Ri me 31 dhjetor, do mbyll gjithë lojërat e basteve elektronike.
Kundër këtij vendi, qysh ditën e parë, ka dalë Shoqata e Basteve Sportive, duke kërkuar anulimin e këtij projektligji, por kryeministri ka deklaruar vendosmëri, për ta bërë ligj.
Por, nuk kanë pushuar as disa lehsa mediatik dhe politik që fitojnë nga ky biznes kriminal pa luajtur asnjë skedinë, por si mbrojtës të flaktë të zhvatjes së shqiptarëve dhe përkrahës të këtij krimi.
Të gjendur përballë këmbënguljes së kryeministrit, Shoqata e Basteve Elektronike, paska vendosur të vijojë reagimin e saj, me protestë publike, përballë institucioneve të shtetit.
Ditën e dielë, në Tiranë është shpërndarë një njoftim-thirrje e kësaj shoqate, drejtuar gjithë punonjësve të pikave të basteve, që humbasin punën dhe familjarëve të tyre e bizneseve të tjerë, për mbështetje solidare, që ditën e martë ora 10.00, të mblidhen para selisë së Kuvendit të Shqipërisë.
Ja thirrja për protestë
NJOFTIM
“Punonjës! Bashkëpunëtor! Pronarë! Qeradhenës dhe biznese mbështetëse!
Ditën e Martë, ora 10:00, PROTESTË pranë zyrave të KUVENDIT përballë kryeministrisë.
Mijëra njerëz pa punë, pa ju dhënë asnje lloj shansi, apo kohë!
TE NDRYSHOHET PROJEKTLIGJI QE NA HEDH NE RRUGE!
Familjet, shoqëria e miqësia, kushdo që ndan me ju këtë shqetësim:
O reagojmë të martën ora 10:00, ose pranojmë gishtin e mesit të Edi Ramës!”
Mos të harrojnë të marrin leje, sepse do fillojnë të paguajnë me koficent të lartë protestën pa leje, dhe të jenë të sigurtë, se gishtin e mesit të Edi Ramës dhe gjithë shqiptarve të ndershëm që jetojnë me djersën e ballit kanë për të marrë shumë shpejt./Ekskluzive.al