Primula Veris, një bimë aromatike e familjes Primulacea, që rritet në lartësinë 700-2.300 metra, ishte grumbulluar nga një shqiptar, i cili u arrestua javën e shkuar në Drosopigi, raportojnë mediat greke.
Kjo lule gjendet në mjaft prej zonave malore të Greqisë. E quajtur “Lulja e Darvinit” apo “Primula e pranverës”, ka vlerë të madhe tregtare dhe bima shitet deri në 50.000 euro kilogrami, kryesisht në tregun gjerman apo dhe vende të tjera në Europë.
Primulla officinalis është bimë mjaft e përhapur në Greqi dhe një ndër bimët më efektive në shërimin e sëmundjeve si dhimbjet e kokës, kollë, qetësim, sëmundjet bronkiale, kronike, etj.
Është mjaft e kërkuar në tregun evropian nga se është edhe më kualitative sipas analizave të bëra nga institute gjermane. Kjo bimë përmban saponie dhe esencë glykocide (primverin dhe primullaverin), prandaj ka efektet shëruese të sëmundjeve të lartpërmendura. Pjesët që përdoren për shërim janë lulja dhe rrënjët.