Lotaria Amerikane u hap zyrtarisht më 3 tetor dhe shqiptarët që aplikojnë janë të shumtë.
Ambasada Amerikane, më shumë se njëherë ka paralajmëruar gjithë të interesuarit si të shmangin gabimet gjatë plotësimit të formularit.
Pak orë më parë, në postimin e fundit në llogarinë zyrtare të Facebook-ut, kanë theksuar se nuk lejohet në mënyrë absolute një aplikim i dytë i formularit nga i njëjti person.
Duke marrë parasysh se diçka e tillë bëhet shpesh, Ambasada sqaron se jo vetëm që identifikohen në mënyrë të menjëhershme, por janë automatikisht të skualifikuar.
“Ligji lejon vetëm një regjistrim për cdo person gjatë periudhës së regjistrimit.
Departamenti i Shtetit përdor teknologji të sofistikuar për t’u vënë në dijeni të regjistrimeve të shumëfishta.
Individët që kanë aplikuar më shumë se një herë gjatë një periudhe regjistrimi do të skualifikohen.”- shkruhet në postim.