Këngëtarja Elvana Gjata është larguar nga Shqipëria, pas ngjarjes në ish-Bllok që përfundoi me një të vdekur dhe dy të plagosur.
Megjithatë nga dëshmitë e atyre që kanë qenë në lokal mbrëmjen e se enjtes kur ndodhi përplasja e armatosur vazhdojnë të hedhin gjithnjë e më shumë dritë mbi dinamiken e ngjarjeve.
Pista kryesore vazhdon të mbetet ajo që palët janë përplasur për një ngacmim ndaj Elvana Gjatës disa kohe më parë dhe sherri ka vijuar edhe në lokal në ish Bllok.
Këngëtarja ka qenë në lokalin ku u bë përplasja mes dy grupeve. GSH shkruan se, sipas dëshmive, ajo kishte qenë në lokal të merrte një çelës tek i fejuari i saj Ervin Mata, i cili ishte shoqëruar në tavoline nga komando Melvjol Bilo, Geldi Hoti si dhe shtetasi tjetër Fabjol Alushi.
Në momentin që ka marrë porosinë dhe po dilte nga lokali, Fabjol Gaxha ka parë drejt këngëtares së njohur, gjeste këto që kanë rënë në sy të partnerit të saj Ervin Mata dhe miqve të këtij të fundit.
I pari që ka kërkuar llogari ka qënë truproja e Elvana Gjatës, Melvjol Bilo i cili është përplasur fizikisht me Fabjol Gaxhën dhe pastaj ka nisur shkëmbimi i zjarrit.
Mervjol Bilo ishte një nga komandot më të përgatitur të Zall-herrit, me një eksperiencë të gjatë në luftime dhe para të cilit, viktima nuk mund të kishte asnjë shans.