Hetuesit gjermanë kanë bërë gati dosjen e kokainës, që do të trondisë shtetin shqiptar. Arbër Çekaj dhe ish Kryeprokurori i Përgjithshëm Adriatik Llalla, të cilët janë rryfyer për llogari të shtetit gjerman, kanë treguar me detaje skemën dhe kanë nxjerrë zbuluar 13 prej anëtarëve të bandës, që përfshin njerëz që kanë bërë invesestime të rëndësishme në Shqipëri dhe zyrtarë të lartë.
Sot në Shqipëri ka mbërritur Sekretari i Shtetit në Ministrinë e Brendshme Federale të Gjermanisë, Stephan Mayer, i cili i ka dorëzuar Xhafajt dëshmi të së vertëtës së 613 kilogramëve kokainë.
“Marrëdhëniet mes dy Ministrive reflektohen në marrëdhëniet e shkëlqyera policore, e shprehur kjo në operacione të përbashkëta, shkëmbim intensiv informacioni, si dhe disa aksione në proces. Më tej, Ministri i Brendshëm shprehu synimin dhe objektivin për të thelluar dhe forcuar edhe më shumë këtë bashkëpunim sidomos në fushën policore, qoftë në nivel operacional, ashtu edhe në nivel institucional.
Gjatë ekspozesë së bërë mbi veprimtarinë e Ministrisë së Brendshme, Xhafaj u ndal në disa çështje kyçe, si: lufta kundër krimit të organizuar, lufta kundër terrorizmit, ekstremizmit dhe radikalizmit të dhunshëm, çështjet e migracionit të paligjshëm dhe azil kërkimit, si dhe procesi i Vetting-ut në Polici.
Sekretari i Shtetit, duke nënvizuar nivelin e lartë të bashkëpunimit policor, theksoi nevojën për ta thelluar atë në vijim, duke deklaruar se bashkëpunimi me Shqipërinë mbetet një prioritet strategjik.
Mayer prezantoi një sërë projektesh të rëndësishme që do të paraqiten në javët në vijim, sidomos asistencë teknike, infrastrukturore e teknologjike për Policinë Kriminale dhe Policinë Kufitare shqiptare”, thuhet në njoftimin e shpërndarë për mediat, duke nënkuptuar se shumë shpejt pritet të finalizohen operacione që do të shkundin botën e krimit dhe politikës.
Mafia e politikës dhe e shtetit po shkon drejt asgjesimit./Pamfleti