Zyra e shtypit të Presidentit Ilir Meta, njoftoi me anë të një e-maili zyrtar, se ky i fundit ishte pritur në një takim të posaçëm nga Presidenti i Senatit Amerikan, Senatori Orrin Hatch gjatë vizitës së tij në Shtetet e Bashkuara të Amerikës.
Rezulton se Orrin Hatch, nuk është Presidenti i Senatit Amerikan, por është Mike Pence.
Madje për këtë mjafton një kërkim i thjeshtë në rrjete sociale, të Orrin Hatch. Në to shkruhet se, ai është vetëm senator dhe nuk ka postin e Presidentit të Senatit Amerikan, kurse në rrjetet sociale të Mike Pence, shkruhet se është ai presidenti i Senatit Amerikan.
Ilir Meta ka vendosur ta bëjë President të Senatit Amerikan, për të lartësuar vizitën e tij në Shtetet e Bashkuara, duke mashtruar dhe për t’u hedhur hi syve shqiptarëve.
Duke i dhënë dikujt një titull që nuk e ka presidenti, ka faktuar se po vazhdon të vërë makinën e propagandës, për të mashtruar qytetarët që në fakt duhet t’i përfaqësojë denjësisht.
Kujtojmë këtu se në qershor të këtij viti për senatorin Orrin Hatch, shkruajtën të gjitha mediat amerikane, pasi Google bëri njoftimin se ai kishte vdekur.
Edhe në një shkrim të fundit të “Washington Post”, shkruhet senatori Orrin Hatch dhe jo presidenti i senatit Orrin Hatch.
Midis këtyre të dyjave ka një ndryshim të madh dhe nuk mund të quhet një gafë e bërë nga shpejtësia, apo pa dija, por është diçka e mirë menduar për të bërë propagandë.
Meta ka dashur të tregojë se ai është i rëndësishëm sepse e ka takuar një nga udhëheqësit titullarë të Amerikës, por në fakt kjo që ka bërë presidenti është njësoj sikur të thuash se spikeri i kongresit amerikan është President i Shteteve të Bashkuara dhe jo Donald Trump./CNA
Emaili
Presidenti Meta takon Presidentin e Senatit Amerikan, Senatorin Orrin Hatch
3 tetor 2018
Uashington D.C, SHBA
Presidenti i Republikës, SH.T.Z. Ilir Meta u prit në një takim të posaçëm nga Presidenti i
Senatit Amerikan, Senatori Orrin Hatch.
Presidenti Meta i shprehu Presidentit të Senatit mirënjohjen për ndihmën e deritanishme
që SH.B.A.-ja dhe Senati në veçanti, i kanë dhënë Shqipërisë në procesin e reformave
të brendshme në drejtim të forcimit të shtetit ligjor dhe të demokracisë në vend.
“Shqipëria dhe shqiptarët”, – nënvizoi Presidenti Meta, “nuk do të harrojnë kurrë
ndihmën jetike që SH.B.A.-ja u ka dhënë atyre gjatë gjithë historisë”.
“Shtetet e Bashkuara të Amerikës,” – nënvizoi Presidenti Meta, “është partneri kryesor
strategjik i Shqipërisë dhe ne mbetemi tërësisht të angazhuar për forcimin dhe
konkretizimin e partneritetit strategjik në të ardhmen, me interes të përbashkët të dy
vendeve tona”.
Shqipëria është e përkushtuar për fqinjësi të mirë dhe bashkëpunim rajonal, si e vetmja
rrugë për forcimin e sigurisë e stabilitetit, por edhe mirëqenies së popujve tanë, që kanë
vuajtuar aq shumë nga konfliktet e të shkuarës.
SHBA ka një rol të pazëvendësueshëm në arritjet e deritanishme të Ballkanit në drejtim
të paqes e stabilitetit. Angazhimi i tyre edhe në të ardhmen është i domosdoshëm për të
mos cënuar arritjet e deritanishme.
Shqipëria mbështet politikën e “dyerve të hapura” të NATO-s, e pas anëtarësimit të
Malit të Zi, urojmë që edhe Maqedonia të bëhet anëtare e Aleancës.
“Ndërkohë”, – theksoi Presidenti Meta, “inkurajojmë që dialogu Kosovë-Serbi të
përmbyllet me sukses për të garantuar të ardhmen europiane të dy vendeve”.
Presidenti i Senatit Amerikan, Orrin Hatch shprehu kënaqësinë e veçantë për takimin
me Presidentin Meta, duke vlerësuar lart miqësinë e fortë mes dy vendeve tona dhe
shprehu mbështetjen e Senatit për forcimin e marrëdhënieve të gjithanshme midis dy vendeve, jo vetëm në interesin e përbashkët, por edhe në dobi të paqes e zhvillimit të rajonit tonë.
