Ditën e djeshme lajmi për arrestimin e vëllait të moderatores së njohur Alketa Vejsiu bëri bujë të madhe në të gjitha portalet.
Endrit Vejsiu, 29 vjeç u arrestua në aksin rrugor Milot-Lezhë, në kryqëzimin e Shënkollit, pasi në mjetin e tij u gjetën të fshehura 4 mina me telekomandë.
Pak minuta më parë Alketa Vejsiu ka publikuar në Instagram një video ku njofton fansat se sonte është nata e tretë e spektaklit ‘Dance With Me’ dhe i fton që ta ndjekin.
Moderatorja nuk ka bërë deri më tani asnjë sqarim për fansat lidhur me arrestimin e familjarit të saj pavarësisht se reagimet në lidhje me këtë lajm kanë qenë të shumta.