Nuk e pjellë krimi politikën, po politika krimin
Fama që i dha dhuna dhe koburja, Rexhep Rrajës, është si fama që i dha korrupsioni Ilir Metës dhe nëse i krahason, konstaton se të dy e kanë bërë karrierën, nëpërmjet krimit, që ka pjellë politika.
Rexhepi i Rrahmanit është pasuruar e bërë “trim i zonës”, prej pushtetit të babait me shkollë të mesme nate, por 18 vjet “aga” shtetëror i zonës, si Kryetar i Këshillit të Komunës Nikël në vitet 2000-2003, Kryetar i Komunës Nikël në vitet 2003-2015, Zv/kryetar i Bashkisë Krujë në vitet 2015-2017 (emëruar nga Taulant Balla) dhe prej 1 viti, deputet i PS, i kësaj zone, propozuar e promovuar nga Taulant Balla.
Tamam si “trimi” i Skraparit, me pushtetin e dhënë nga Sulo Gradeci, edhe ‘trimi” i Niklës, me fuqinë që i dha pushteti i babait, hapi biznese, mori miliona lekë financime nga pushteti i PS-LSI, luftoi me armë në dorë, për të mbledhur votat e kësaj partie në Krujë, komandonte PS, LSI e PSD në Krujë, krijoi bandën e tij kriminale, udhëronte policinë, gjykatat, prokurorinë, të heshtnin përballë krimeve të tij.
Edhe Rexhepi i Rrahmanit, nuk u prek për asnjë krim dhe nuk po preket as për rastin e masakrimit të Xhisiela Malokut, megjithëse është me zë e me figurë në video-kamerat e policisë, ashtu si Iliri i Rexhepit, që nuk u prek nga drejtësia, për aferën korruptive “Blloku”, megjithëse ishte me zë e me figurë!/Pamfleti