Llalla është një ata të vegjlit fare. Por një shkallare për t’u ngjitur për tek etërit. Qofshin këta djathtas apo majtas. Nje mesazh ku terminologjia me zero tolerancë krimit dhe korrupsionit, të bëhet realitet.
Nga Ilirjan Blloshmi
Shpalljes non grata, apo i pa dëshiruar në një vend, që Amerika i bën një ish zyrtari të lartë nga administrat shqiptare, në rastin konkret ish prokurorit, në fakt është një mesazh. Një i tillë që nuk ka të bëj aspak me horinë mbi peshqit e mëdhenj e të vegjël. Me atë kënaqësinë tonë të fërkimit të duarve. Oho ky, oho, ai e me radhë.
Nuk ka të bëj aspak me zhurmën tradicionale të natyralizuar tashmë nga liderët aktualë të tranzicionit. Apo me bumet mbi bëmat e dialogëve seksuale në një kuvend. Për më tepër me frymën e re antiamerikane të luftëtarëve të UÇK-së, ata që sot qeverisin në Kosovë etj. Por i injoron këto duke u folur drejtpërdrejtë shqiptarëve. Madje më qartë se kurrë më, mbi atë që, pavarësia më e madhe, unifikimi, një shtet luajal për komunitetin europian, ndërtohet përmes ekonomisë dhe shtetit të së drejtës dhe ligjit.
Mirëpo ne vetëm me ekonominë nuk merremi. Të drejtës dhe ligjit i kemi vënë vulën e mikut ose të Maliqit. Me të gjitha të tjerat, merremi. Pra është një mesazh i qartë përkundër pasionit. Pasionit me ma fut dhe ia futa. Ndaj shpesh nuk janë të rastësishëm skupet, si ky i fundit me dialogët perversë a erotikë të dy kuvendarëve. Apo me turpin që një qeveri ankohet se nuk ka para të bëj një teatër. Zihet me artistët etj. Janë pjesë e një edukate që tashmë është bërë gangrenë e jona. Për të ndjekur zhurmën dhe shmangur realitetit. Aq sa sot shqiptarët kudo ku janë, gati elektrizohen sapo shohin se si një politikan, administrata, majtas apo djathtas, kapet lakuriq, mbi tavolinë, apo në një korrupsion mbi tenderimet etj. Megjithëse e dinë fare mirë që të gjitha janë një produkt i gjuetisë së shtrigave, karshi njëri-tjetrit. Pra midis sojit karshi sojit, të djathtit apo të majtit.
Jo vetëm administrata amerikane, por në tërësi mentaliteti amerikan. E kanë për ofezë, e quajnë absurde, kanceroze lirinë e korrupsionit. Një mentalitet qytetar që analistë me shumicë shqiptarë këtej dhe andej e ngërthejnë sipas oreksit të njërës palë apo tjetrës. Duke aluduar me politikat e Klintonit, Bushëve, Obamës e deri tek Trampi. E bëjnë këtë sipas oreksit të Hashimit në Kosovë, Ramushit etj. E sipas oreksit të Ramës, Berishës, e Metës në Shqipëri. Me një naivitet të tipit shqiptar duke thënë se ky Trampi do i ndali, apo do i heqi nga listat e zeza, personat non grata. Sidomos kur vinë të mbartura nga qeveritë e mëparshme.
Hiqeni nga mendja… kushdo që vjen në pushtet këtu, nuk ka të bëj aspak me dosjet e drejtësisë. E sidomos me ato nga organi i akuzës. Madje as u afrohen dot. Shqipëria halle madhe nuk ka vetëm një peshk të madh. Eshtë e mbytur nga peshq të mëdhenj. Mirëpo ndërsa Amerika vet, amerikanët i kanë nxjerrë në pension, Klintonët, Bushët, Obamën…. Shqipëria halle madhe i ka çimentuar. I ka aty si liberdadorë. Eshtë mesazh i madh për ju.
Jo se ky Llalla është peshk i madh. Amerika do japi e do japi, me shpresën tek ndryshimi i kursit nga qytetar entuziast i peshqëve, skupeve me dialogje erotike, me Sajmot e drogës, tek qytetarë që duan vendin tyre. Se shumë shpejt mos u çudisni kur të shpallin non grata ndonjë ditë edhe kryeministrin. Ua kanë dhënë një mesazh me kryetarin e kuvendit. Llalla është një ata të vegjlit fare. Por një shkallare për t’u ngjitur për tek etërit. Qofshin këta djathtas apo majtas. Nje mesazh ku terminologjia me zero tolerancë krimit dhe korrupsionit, të bëhet realitet.