Mbledhja e sotme e Këshillit Bashkiak u zhvillua pa prezencën e përfaqësuesve të opozitës, ku edhe priteshin që të miratoheshin projektligje të rëndëshishme për kryeqytetin.
Pas largimit të tyre në momentin e votimit të rendit të ditës, fjalën e mori kryebashkiaku, Erion Veliaj, duke u shprehur se opozitarët lanë pa votuar projektligje të rëndësishme si: hapja e qendrës sociale ‘Goxhe Bojaxhi’ dhe hartimit të projektin e terminalit të transportit publik në Tiranë.
Më tej Veliaj, u shpreh se njerëzit e kanë për se kush punon dhe se kush bën punë dhe se kush jo dhe se për këtë arsye ai do të fitojë bindshëm në zgjedhjet lokale të qershorit.
Thonë aferë korruptive për terminalin. Të thuash që kemi bërë shkelje, ne i tregojmë VKM-të e Saliut. Ne hoqëm kompleksin e pallateve të Lulit me një çikë terminal. Tani njeriu o punon, o flen gjumë. Ne do të fitojmë bindshëm në qershor. E panë njerëzit. E panë se kush punon. Tjetër gjë: Tirana në këtë vit në 1 mln banorë ka pasur vetëm 7 vrasje, viti më i mirë i Tiranës për kriminalitetin dhe 4 janë komplet çështje familjare, ai rasti i hajvanit që mori në qafë vajzën te Spitalet, dhe ai i çmenduri në Don Bosko
Gjatë pjesëmarrjes së tyre në mbledhjen e Këshillit, përfaqësuesit e opozitës u shprehen se terminali i ri i autobusëve është shumë i dyshimtë.
Deputetja e LSI-së, Erisa Xhixho ngriti ankesën se Këshilli Bashkiak është anashkaluar totalisht për diskutimet e çështjes së Teatrit.
Jemi anashkaluar totalisht në çështjen e Teatrit, Veliaj ka anashkaluar diskutimin paraprak siç edhe e parashikonte ligji. Anashkalimi i këtij diskutimi për një çëshjte aq sensitive do të thotë që na janë hequr totalisht të drejtat. Jemi në një situatë anti-kushtetuese. Na janë dhunuar kompetencat. Jepen koncesione që nuk dihet se si do të operohet. Është shumë shqetësuese.
Por vilija i është përgjigjur:
Do të humbasin mundësinë për të votuar projektligje të rëndësishme për qytetarët e Tiranës. Ligji i Lulit kërkon biletën për fëmijët. Ata prandaj ikin se nuk duan që ta dëgjojnë të vërtetën. Partia e Lulit hoqi fëmijët 0-6 vjeç. Thonë pse nuk u mblodh Këshilli Bashkiak për çështjen e Teatrit, kur toka i përket Ministrisë së Kulturës. E kuptoni apo jo? A u mblodh këshilli për Teatrin e Metropolit? Prandaj ikin se kanë shumë siklet.